BİNƏQƏDİ RPİ-NİN İŞ-NİN MÜSTƏNTİQİ NİYƏ BELƏ EDİB?

RESPUBLİKAXƏBƏR.AZ xəbər verir ki, polis müstəntiqi, vətəndaşa qeyri-rəsmi iş saatında (23:49) da telefon zəngi edib.
Belə ki, vətəndaşın redaksiyamıza zəng edərək verdiyi məlumata görə, 2022-ci ilin may ayında əvvəllər tandığı, Hətəmov İlkin Valeh oğlu adında bir nəfər şəxs, ona qarşı dələduzluq edərək, 7500 (yeddi min beş yüz) manat məbləğində pulunu aldadaraq ələ keçirtmişdir. Zərərçəkmiş dəfələrlə İlkin Hətəmova zəng edərək, vədinə əməl etmədiyini deyib, verdiyi 7500 manatı ondan geri tələb etmişdir. Hətəmov İlkin də zərəçəkmişə dəfələrlə müxtəlif yalan vədlər verərək ondan aldığı pulu geri qaytaracağını bildirsə də, sonradan pulu qaytarmaqdan imitina etmişdir. Zərəçəkmiş, İlkin Hətəmovun bu kimi hərəkətlərinin dələduzluq olduğunu hiss etdiyindən, Binəqədi RPİ-nin 5-ci PB-nə ərizə ilə müraciət etmişdir. Binəqədi RPİ-nin 5-ci PB-nin təhqiqatçısı işə hüquqi qiymət verərək, toplanmış materialı Binəqədi RPİ-nin İŞ-nə göndərmişdir.
Şikayətçi, Binəqədi RPİ-nə zəng edərək şikayəti əsasında istintaq araşdırmasının aparılması hansı müstəntiqə həvalə edilib, hansı müstəntiqin icraatındadır deyərək soruşmuş, məlum olmuşdur ki, onun şikayəti əsasında istintaq araşdırmasının aparılması İŞ-nin müstəntiqi Rövşən Cavadova həvalə edilib. Binəqədi RPİ-nin İŞ-nin müstəntiqi "cənab" Rövşən Cavadov da vətəndaşın şikayəti əsasında onun izahatını almadan, şifahi də olsa belə dindirmədən vətəndaşa məlumat məktubu göndərib ki, Sizin şikayətiniz əsasında araşdırma aparılıb, cinayət işinin başlanmasının rədd edilmədi haqqında qərar qəbul edilib. Lakin, hörmətli müstəntiq, qərarın surətini məktuba əlavə etməyib.
Bu gün, yəni 06 yanvar 2023-cü il tarixdə saat 23:49 da dəyərli müstəntiq Rövşən Cavadov, şikayəyçi vətəndaşa zəng edərək, şikayəti əsasında şifahi araşdırma apararaq sual vermişdir ki, həmin vətəndaş Sizdən nə qədər pul alıb? Şikayətçi,müstəntiqin suallarını hörmətlə cavablandırsa da sonradan təəcüblənib ki, gecənin o saatında müstəntiq nə üçün zərərçəkmişə zəng edib, əlavə olaraq da düşünüb ki, axı müstəntiq Rövşən Cavadov İlkin Hətəmovun əməlində cinayət tərkibinin olmadığını bildirərək cinayət işinin başlanmasının rədd edilməsi haqqında qərar qəbul etməsi barədə ona məktub da göndərib. Düzdür, məlumat məktubuna qərarın surətini də əlavə etməyib.
Daha sonra şikayətçi onu da qeyd edib ki, təxminən bir-neçə gün bundan öncə digər bir müstəntiq ona zəng edib ki, Sizin şikayətiniz əsasında Rövşən Cavadov tərəfindən Cinayət işinin başlanmasının rədd edilməsii haqqında qəbul edilmiş qərar, rəhbərlik tərəfindən ləğv edilərək, təkrar mənim icraatıma verilib. Bundan sonra ikinci müstəntiq də şikayətçiyə bir-neçə dəfə zəng edərək onu Binəqədi RPİ-nə dəvət edəcəyini desə də, sonradan o da şikayətçini dəvət etməyib, hətta bir-neçə dəfə telefon zəngini də açmayıb. Sonuncu isə belədir: ilkin araşdırmaçı müstəntiq Rövşən Cavadov, bu gün gecə saatlarında (23:49)-da şikayətçiyə zəng edib, ona qarşı nə qədər məbləğində dələduzluq edildiyini soruşmuş, yenə də lazım gələrsə onu narahat edəcəyini deyib.

Şikayətçi, onların bu kimi hərəkətlərindən şübhələnir ki, Hətəmov İlkin Valeh oğlu ilə Binəqədi RPİ-nin əməkdaşları arasında dostluq münasibətləri vardır. O səbəbdən də şikayətçi, şikayətində qeyd olunanları ictimailəşdirməyimizi, həmçinin aidiyyatı orqanlara məlumat verməyimizi xahiş edib.

Odur ki, şikayətçinin qeyd etdiyi məsələlərdə qanunsuzluğun olması qismən məlum olduğundan bu barədə aidiyyatı orqanlara tərəfimizdən rəsmi məlumat məktubu ünvanlanacaq.

Qarşı tərəfi dinləməyə hazırıq!

RESPUBLİKAXƏBƏR.AZ