ŞƏKİDƏ *0066TAKSİ ŞİRKƏTİNİN MƏSUL ŞƏXSİ: RƏİS BELƏ DESƏ MƏN VECİMƏ ALMIRAM

Respublikaxəbər.az-a anonimliyinin qorunmasını istəyən Şəki rayon sakini (taksi fəaliyyəti ilə məşğul olan) şikayət edib.

Taksi sürücüsü şikayətində bildirir ki, həmin şirkətin Şəkidəki filalının rəhbəri (məsul şəxsi) onunla uzun müddətdir ki, ədavət aparıb.
Ədavət aparmasının səbəbini isə izah edərək bildirib ki, gecənin istənilən saatında həmin şəxs ona zəng edərək şirkətə müştəri tərəfindən daxil olmuş sifarişi qəbul etməsini tələb edib. Taksi sürücüsü isə yorğun olduğunu bildirsə də məsul şəxs ona əhəmiyyət verməyib və onun fəaliyyətinə məhdudiyyət qoyub. Sonra həmin şikayətçinin üzərindən məhdudiyyətin götürülməsini məmur dostlarından biri zəng edərək məsul şəxsdən xahiş edib, Məsul şəxs də şikayətçinin xəttini açaraq məhdudiyyəti aradan qaldırıb.Daha sonra məsul şəxs, həmin sürücudən uzaq məsafədən müştərini götürməsini tələb edib, sürücü isə təyin olunmuş məbləğ onu qane etmədiyinə görə sifarişi qəbul etməyib. Məsul şəxs, yenə də həmin sürücünün xəttini bağlayıb, bildirib ki, bu dəfə kim tapşırır-tapşırsın, hətta rəis olsa belə xeyri yoxdur! Sənin xəttin açılmayacaq. Sikayətçi onu da qeyd edib ki, bir-neçə dəfə xəttinin açılması üçün məsul şəxs, ondan bir-neçə dəfə 20 manat məbləğində rüşvət alıb. Deyilənlərlə bağlı, şikayətçinin bizə verdiyi məsul şəxsin mobil əlaqə nömrəsinə zəng etsək də, zəngimizə cavab verilmədi. Odur ki, şikayətçinin qeyd etdiyi meşələrlə bağlı tərəfimizdən aidiyyatı qurumlara rəsmi məlumat məktubu ünvanlanacaq. Hüquq-mühafizə orqanlarının araşdırmasından sonra işə hüquqi qiymət veriləcək.
Qarşı tərəfi dinləyib, bildirəcəyi mövqeni dərc etməyə hazırıq!

Respublikaxəbər.az