"SU BAŞDAN BULANIR" BİNƏQƏDİ RPİ-NİN BAŞ MÜSTƏNTİQİ BELƏ EDİBSƏ?

Respublikaxəbər.az xəbər verir ki, ibadət etmək adı ilə məscidə gələn şəxsin niyyəti sonda bəlli olub.





Belə ki, Respublikaxəbər.az-a müraciət edən, adının məxfi saxlanmasını istəyən Hacı (din xadimi) müraciətində bildirinb ki,
təxminən 2015-2016-cı illərdən tanıdığı Hətəmov İlkin Valeh oğlu adlı bir şəxs, Hacının ona olan etibarından sui istifadə edərək, dələduzluq yolu ilə 7500 azn (yeddi min beş yüz) manat məbləğində pulunu ələ keçirtməklə ona qarşı dələduzluq etmişdir. Hətəmov İlkin Valeh oğlu, özünün avtomobil alveri ilə məşğul olduğunu bildirərək Hacıya sosial şəbəkələrdən bir ədəd “ KİA RİO” markalı avtomobili göstərib, onu xarici ölkədən gətirməklə ona satacağını deyib. Ondan əvvəlcədən 2022-ci ilin may ayından pulu almasına baxmayaraq hələ də nə avtomobili gətirməyib, nə də ki, pulunu geri qaytarmır. Ona dəfələrlə zəng etməyinə baxmayaraq hər dəfəsində müxtəlif yalan vədlər verir, bəzi hallarda (sonuncu günlərdə) pulu gətirib qaytaracağını deyib. Amma pulu də qaytarmır.
Onu da qeyd edim ki, Hacıya sonradan məlum olub ki, O, Hacıdan öncə onunla bərabər işləyən iş yoldaşı Hacı İdris adlı şəxsə qarşı da dələduzluq etmək istəyibmiş, ondan da eyni məqsədlə 500.azn (beş yüz) manat məbləğində pulu alıb,vədinə əməl etməyib, Hacı İdris adlı şəxs də onun barəsində hüquq-mühafizə orqanlarına şikayət edəcəyini bildirdikdə onun pulunu gətirib qaytarıb.
Hacı ilk öncə Binəqədi RPİ-nin 5-ci PB-nə ərizə ilə müraciət etmiş, müraciəti əsasında Binəqədi RPİ-nin 5-ci PB-nin TB-də araşdırma aparıldıqdan sonra toplanmış material aidiyyatı üzrə Binəqədi RPİ-nin İŞ-nə göndərilmiş, araşdırma Baş müstəntiq Rövşən Cavadova həvalə edilmiş, Lakin, Baş müstəntiq Rövşən Cavadov, şikayətçinin izahatını almadan, şikayətçinin üzünü belə görmədən Cinayət işinin başlanmasının rədd edilməsi haqqında qərar qəbul edib, qərarın surətini də şikayətçiyə göndərməyib, sadəcə cinayət işinin başlanmasının rədd edilməsi haqqında qərar qəbul edildiyi barədə cavab məktubu ünvanlayıb. Şikayətçinin şikayəti əsasında Rövşən Cavadovun qəbul etdiyi qərar rəhbərlik tərəfindən ləğv edilərək digər bir müstəntiqə həvalə edilmişdir. Hazırda növbəti müstəntiq də material icraatına daxil olduqdan sonra bir-neçə dəfə şikayətçiyə onu çağıraraq ifadəsini alacağını bildirsə də, bəzi hallarda şikayətçinin telefonuna belə cavab vermir. Şikayətçi, gedişatdan həmin polislərin İlkin Hətəmovla tanışlıq-dostluq münasibətlərinin olması barədə şübhələndiyini deyib.

Şİkayətçi, həm ona qarşı dələduzluq edən şəxsin, həm də həmin şəxsi müdafiə etməyə çalışan iki müstəntiqin barəsində DİN-nin rəhbərliyinə məlumat verməyimizi, həmçinin onun qeyd etdiklərini xəbər portalımızda ictimailəşdirməyimizi xahiş etmişdir.

Odur ki, şikayətçinin qeyd etdikləri ilə bağlı tam, obyektiv, qərəzsiz və hərtərəfli araşdırma aparılaraq işə hüqiq qiymət verilməsi məqsədi ilə göstəriş verilməsi üçün aidiyyatı üzrə Azərbaycan Respublikasının Baş Prokurorluğuna, Azərbaycan Respublikasının DİN-nin rəhbərliyinə tərəfimizdən rəsmi məlumat məktubu ünvanlanacaq.

Qarşı tərəfi dinləyib, onun da mövqeyini dərc etməyə hazırıq!

Respublikaxəbər.az