TURAL NİFTALIYEV MƏTBUAT ƏMƏKDAŞLARINA (JURNALİSTLƏRƏ) TƏBRİK ÜNVANLAYIB

RESPUBLİKAXƏBƏR.AZ, xəbər verir ki, Şəki Şəhər-Rayon Polis Şöbəsinin Dövlət Yol Polis Bölməsinin təbliğat və təşviqat üzrə inspektoru, polis baş leytenantı Tural Niftalıyev, "22 iyul Milli Mətbuat Günü" münasibətilə jurnalistlərə təbrik ünvanlayıb.

TƏBRİKDƏ DEYİLİR:
Yol-nəqliyyat hadisələrinin qarşısının alınmasında təbliğat və təşviqat işinin rolu çox böyükdür. Qəzaların qarşısının alınması istiqamətində kütləvi informasiya vasitələrinin köməyindən istifadə etməklə tərəfimizdən mütəmadi olaraq təbliğat və maarifləndirmə işləri həyata keçirilir. Uzun müddətdir yol hərəkətinin təhlükəsizliyinin təbliği sahəsində sizinlə birgə çalışmışıq. Aparılan təbliğat və təşviqat işlərini yüksək peşəkarlıqla ictimaiyyətə çatdırmısınız. Ümid edirəm ki, insanların həyat və sağlamlıqlarının qorunması istiqamətində sizinlə birgə daha çox işlər görəcəyik. Hər zaman Dövlət Yol Polisinin xidməti fəaliyyətinə olan diqqət və qayğınızı, o cümlədən şəxsən mənimlə səmimi əməkdaşlığınızı yüksək qiymətləndirir, hər birinizə təşəkkür edirəm.

HÖRMƏTLƏ: TURAL NİFTALIYEV