SABİQ POLİS POLKOVNİKİ VAQİF ƏSƏDOV, MEDİA NÜMAYƏNDƏLƏRİNİ TƏBRİK EDİB.

RESPUBLİKAXƏBƏR.AZ, xəbər verir ki, uzun müddət Azərbaycan Respublikasının DİO-da xidmət etmiş və müxtəlif vəzifələrdə işləmiş, polis polkovniki cənab Vaqif Əsədov, "22 iyul Mətbuat günü" ilə bağlı bütün Media nümayəndələrini peşə bayramları münasibəti ilə təbrik edib.

TƏBRİKDƏ DEYİLİR:

Mənim üçün unudulmayan, əziz və çox hörmətli mətbuat nümayəndələri, xanımlar və cənablar!

22 iyul Milli Mətbuatımızın 147 illiyi təntənə ilə keçirilir. Cəmiyyətimizin aynası, ictimai fikrin inikası, xalqımızın aydınları olan və bütün sahələr üzrə vətəndaşlarımızı maarifləndirən jurnalistlər, mətbuat əhli öz peşə bayramını qeyd edir. Bu münasibətlə hər birinizi səmimi qəlbdən təbrik edir Sizə uzun ömür, möhkəm can sağlıgı, ailə səadəti, sevincli günlər, peşə fəaliyyətinizdə daim uğurlar qazanmağı arzu edirəm. Qələminiz hər zaman kəsərli, sözünüz mənalı, fikriniz məzmunlu olsun.

Əlavə olaraq bildirim ki, uzun illərdir əl-ələ verib yol hərəkətinin təhlükəsizliyinin təbliği sahəsində sizinlə birgə çalışmışıq.
Dəyərli həmkarlarım olaraq Yol Polisinin fəaliyyətini hər zaman yüksək qiymətləndirmiş, aparılan təbliğat və təşviqat işlərini peşəkarlıq və qələminizin gücü ilə ictimaiyyətə çatdırmısınız. Hər zaman Dövlət Yol Polisinin xidmətinə olan diqqətinizi, qayğınızı və şəxsən mənimlə səmimi əməkdaşlığımıza verdiyiniz önəmi yüksək qiymətləndirir, hər birinizə dərin təşəkkür edirəm.

Ümid edirəm ki, gələcəkdə də vətənimizin xalqımızın, millətimizin xoşbəxt gələcəyi naminə birgə daha çox işlər görəcəyik.
Bu gün, təqaüddə olmağıma baxmayaraq, keçmiş həmkarınız kimi hər zaman sizə dəstək olmağımı fəxrlə qeyd edirəm.

Dərin hörmət və ehtiramla,
Vaqif ƏSƏDOV

Onu da qeyd edək ki, biz media nümayəndələrini peşə bayramımız münasibəti ilə təbrik edən, sabiq polis polkovniki cənab Vaqif Əsədov, yaş həddi ilə bağlı təqaüdə getməmişdən əvvəl Bakı Şəhər Baş Polis İdarəsi "Baş Dövlət Yol Polisi İdarəsinin (İctimaiyyətlə Əlaqələr Bölməsi) Mətbuat bölməsinin rəisi vəzifəsində işləmişdir.

Biz də Media nümayəndələrinin xidmətini üstün tutaraq diqqət mərkəzində saxlayıb biləri möhtəşəm təbriki etməsinə görə Cənab Vaqif Əsədova təşəkkürümüzü bildiririk.