Şəki DYP-dən "Son zəng"lə bağlı müraciət.

RESPUBLİKAXƏBƏR.AZ xəbər verir ki, Şəki DYP-i "Son zəng"lə bağlı müraciət edib.
Şəki Dövlət Yol Polis Bölməsinin rəisi vəzifəsini müvəqqəti icra edən, həmin bölmənin təbliğat və təşviqat üzrə inspektoru, polis baş leytenantı Tural Niftalıyev şəxsən özü, bu gün (14.06.2023) Şəki şəhərində fəaliyyət göstərən bir çox məktəbdə "Son zəng" tədbirlərində iştirak edərək , tədbir iştirakçıları qarşısında çıxış edib. Məktəb rəhbərləri və müəllim kollektivləri ciddi xəbərdar olunub ki, tədbirdən sora, yeniyetmələrin,məzunların sürücülük hüququ olmadan, spirtli və ya energetik içkilər qəbul edərək,nəqliyyat vasitəsinin texniki xarakteristikasında nəzərdə tutulandan artıq sayda (6-7 nəfər) minik avtomobillərinə doluşaraq şəhər ərazisində aşağı-yuxarı hərəkət etmələrinə qətiyyən şərait yaradılmasın.
Polis baş leytenantı Tural Niftalıyev çıxış edərkən,ötən illərdə respublikamızın ayrı-ayrı ərazilərində "Son zəng" günü ağır yol-nəqliyyat hadisələrinin baş verdiyini xatırladaraq, valideynlərə sürücülük hüququnun olmadığını bilə-bilə onlara nəqliyyat vasitəsini idarə etməyə verməyə görə Azərbaycan Respublikasının Qanunvericiliyində inzibati tənbeh tədbirlərinin nəzərdə tutulduğunu xatırladıb. Bildirilib ki, Dövlət Yol Polisi bu gün sutka ərzində gücləndirilmiş iş rejimində işləyəcəkdir və qeyd olunan yol hərəkəti qayda pozuntularının aşkarlanması zamanı heç bir güzəşt olunmayacaq. Polis baş leytenantı Tural Niftalıyev, Dövlət Yol Polisi tərəfindən görülən bu və ya digər tədbirlərin insanların həyat və sağlamlığının qorunmasına xidmət etdiyini bildirib.








RESPUBLİKAXƏBƏR.AZ