MÜSTƏNTİQDƏN QEYRİ ADİ BİR TÖVSİYƏ (TƏKLİF) "O MƏNİM QARDAŞIM DEYİL! 5 İL BUNDAN ÖNCƏ SİLMİŞƏM! GEDİN, ASIN! KƏSİN! DOĞRAYIN! ÖLDÜRÜN!

Respublikaxəbər.az xəbər verir ki, müstəntiqin qardaşının dələduzluqla məşğul olması barədə redaksiyaya müraciət daxil olmuşdur.

Dəyərli izləyici dostlar!

İlk öncə ilk öncə Abşeron rayon, Xırdalan şəhəri, 28-ci məhəllə, ev 32 ünvanda yaşayan vətəndaş, tərəfindən redaksiyamıza daxil olmuş müraciət məktubunda qeyd edilənləri diqqətinizə çatdıraq və daha sonra araşdırmamızla bağlı ətraflı məlumat verəcəyik.

Respublikaxəbər.az İnformasiya-Xəbər Portalının rəhbəri Elyaz Gülüyevə:

Abşeron rayon, Xırdalan şəhəri, 28 məhəllə, ev 32 ünvanda yaşayan Laçınlı Ayaz Bayram oğlu tərəfindən

Müraciət:


Hörmətli Elyaz müəllim!

İlk öncə Sizi və yaxınlarınızı , fürsətdən istifadə edərək, özümün, ailəmin və ailə üzvlərimin adından salamlayır və mənə, eləcə də mənim kimi dərdli insanların dərdlərinə şərik olaraq, insanlığa layiqli bir insan kimi kömək etdiyinizə görə şəxsən Sizə təşəkkür edirəm.

Hörmətli Elyaz müəllim!

Mən və ailəm, eləcə də bir çox tanıdığım dostlarım, Sizi sosial şəbəkədə izləyirik, Sizin çıxışlarınızı dinləyirik, məqalələrinizi oxuyuruq, həqiqətən də Sizin peşəkar jurnalist olaraq, həm dövləti və dövlətçiliyi dəstəklədiyinizi, həm də insanların sevinclərinə və kədərlərinə şərik olaraq, biz insanların yanında olduğunuzun şahidi oluruq.

Xüsusilə qeyd edim ki, yuxarıda qeyd etdiyim tərif tərifyönlü cümlələrim heç də şəxsi mənafeyim üçün deyil, sadəcə bir kişi kimi Sizə olan hörmətimi və sayğımı, həqiqəti səmimiyyətimlə bildirmək istəyirəm.

Ayrıca olaraq bəli, bir vətəndaş kimi, AR-Konstitusiyasının 26-cı və 57-ci maddələrini, eləcə də Sizdə olan humanistliyi rəhbər tutaraq, Sizə bir müraciət etmək qərarına gəldim.

Hörmətli Elyaz müəllim!
Mahiyyəti üzrə bildirmək istəyirəm ki, istintaq təcridxanasında olarkən mən bir otaq yoldaşıma, xahiş edərək, barəmdə başlanılmış cinayət işi ilə əlaqədar məhkəmə icraatında işimin olduğunu və mənə hüquqi kömək edə biləcək, eləcə də məhkəmədən xahiş edə biləcək hörmətli bir insanın lazım olduğunu bildirdim. O da mənə Cavad adlı şəxsin mənə kömək edə biləcəyini dedi.
Mən də istintaq təcridxanasından çıxdıqdan sonra otaq yoldaşımın dediyi Cavad adlı şəxslə görüşdüm və ona da dərdimi dedim, Cavad adlı şəxs də mənə Paytaxtın rayonlarının birində İcra hakimiyyətində işləyən Elçin adlı şəxsin nömrəsini verdi, Elçin də sabiq polis nəfəri olan Rəşad adlı şəxslə əlaqələndirdi. Mən Elçindən soruşdum ki, dediyin O, Rəşad adlı şəxs, həqiqətən də mənə kömək edə biləcəkmi? Elçin də bildirdi ki, " Əlbəttə"! Rəşad dəfələrlə, bir çox işlərimizdə bizə yüksək səviyyədə köməklik edib".
Mən Elçinin mənə dediyi Rəşad adlı şəxslə görüşdüm, O da Elçinin onu təriflədiyi kimi özü-özünü təriflədi və həmçinin qardaşı Rauf Məmmədovun da Suraxanı RPİ-nin müstəntiqi işlədiyini, qardaşının belə məsələləri dəfələrlə məhkəmənin hakimi ilə həll etdiyini dedi. Lakin, Rəşad adlı şəxs, çox keçmədi ki, iç üzünü çölə çıxartdı. Onun bizə qarşı dələduzluq etdiyi müəyyən olundu. Ayrıca olaraq, mən hesab edirəm ki, mənə qarşı törədilmiş dələduzluq əməlində tək Rəşad deyil, həmin adlarını qeyd etdiyim Cavad və Elçin adlı şəxslər də cinayət əlaqələrinə girərək mənə qarşı törədilmiş dələduzluq əməlinin iştirakçılarıdır.
Ona görə belə hesab edirəm ki, çünki, Rəşad adlı şəxsə verdiyim 6250 manatdan 1500 manatını Cavad adlı şəxs mənə qsytardı və dedi ki, "qardaş mənə düşən bu idi, ala bu da sənin pulun".Deməli bunlar əlbirdirlər. Nəticə etibarı ilə mənə qarşı törədilmiş dələduzluq əməli, əvvəlcədən bir qrup şəxs halında təşkil olunmuş cinayət əməli hesab edilməlidir.
Hörmətli Elyaz müəllim!
Sizdən xahiş edirik ki, müraciətimizi səlahiyyətinizə aid olan şəkildə araşdıraraq, ictimailəşdirəsiniz, həmçinin aidiyyatı orqanları da məlumatlandırasınız.
Ona görə ki, bir qrup şəxs halında mənə qarşı cinayət əməli törədən şəxslərdən biri də (Elçin adlı şəxs) bildiyimə görə İcra hakimiyyətinin əməkdaşıdır. Belə bir şəxsin də belə bir mötəbər bir qurumda işləməsi hesab edirəm ki, dövlətimiz və xalqımız üçün təhlükəlidir.
Nəzərə almağınızı Sizdən xahiş edirik.
Dəyərli dostlar!
Bildiyiniz kimi vətəndaş Laçınlı Ayaz Bayram oğlu, bir-neçə nəfər şəxsin tərəfindən törədilən dələduzluq əməlinə məruz qalmışdır.

Vətəndaşın müraciəti ilə bağlı qarşı tərəflər olan Rəşad adlı şəxslə əlaqə saxlayaraq, mövqeyini öyrəndik, Rəşad barəsində deyilənləri qismən etiraf etdi. Ayrıca olaraq, Cavad, Elçin və əsərin qəhramanı olan Rəşadın müstəntiq qardaşı Rauf Məmmədovun mövqeyini öyrəndik.

Cavad və Elçin, mövqelərində özlərinin də Rəşad tərəfindən dələduzluğa məruz qaldıqlarını, hətta bu az deyilmiş kimi Rəşadın özünü müxtəlif vəzifələrdə işləyən bir şəxs (rayon prokurorunun köməkçisi) kimi təqdim edərək, aldatdığı şəxslərin barəsində istintaq icraatında olan materiallarla bağlı müstəntiqdən geniş məlumat aldığını bildirdilər. Nəticədə bir böyük kimi Rəşadın müstəntiq işləyən qardaşı Rauf Məmmədovla əlaqə saxlayaraq, onun bu məsələyə bir qardaş kimi münasibətini öyrənmək istəsək də, ona zıng etməyimizə kor-peşiman olduq!
















Dəyərli dostlar!
Müstəntiq Rauf Məmmədova zəng edərək, qardaşı Rəşad Məmmədovun qanunsuzluqla məşğul olması barədə məlumat verdik və tövsiyə etməsini arzu etdik, müstəntiq Rauf Məmmədov, "GEDİN, ASIN! KƏSİN! DOĞRAYIN! ÖLDÜRÜN"! dedi. Müstəntiqin redaksiyamıza telefon dialoqumuz zamanı etdiyi belə bir tövsiyəsi nəinki bizi, eşidənlərin hər birini təəcübləndirdi və pərişan oldular. Yəni belə çıxır ki, müstəntiq, isinmək üçün öz qabağına köz gətirir. Odur ki, tərəflərin hər birinin mövqelərini öyrəndiyimizə görə, müraciətin, tam, obyektiv, qərəzsiz, doğru-dürüst və hərtərəfli araşdırma aparılması, eləcə də qanunamüvafiq tədbir görülməsi üçün tərəfimizdən AR-nın baş prokurorluğuna və eləcə də DİN-in rəhbərliyinə və həmçinin digər aidiyyatı orqanlara rəsmi məlumat məktubu ünvanlanmışdır.
Məsələni tam diqqətdə saxlayırıq!

Respublikaxəbər.az