ELYAZ YAZANDAN, PEŞƏKAR AZƏRBAYCAN POLİSLƏRİ İLƏ BAĞLI CƏNAB NAZİRƏ TƏŞƏKKÜR MƏKTUBU

RESPUBLİKAXƏBƏR.AZ xəbər verir ki, dünən redaksiya heyyətinin rəhbəri Elyaz Yazan, Peşəkar Azərbaycan polislərinin peşəkar və nümunəvi hərəkətləri ilə bağlı DİN-nin rəhbərliyinə təşəkkür məktubu ünvanlayıb.
Təşəkkür məktubunu olduğu kimi təqdim edirik!

Hörmətli, möhtərəm cənab nazir!
İlk öncə Sizi və Siz başda olmaqla, DİO-da ləyaqətlə xidmət edən bütün əməkdaşlarınızı salamlayır, İctimai təhlükəsizliyimizin təminində heç bir zaman və yorulmadan əməyinizi əsirgəmədiyinizin şahidi olduğumu diqqətinizə çatdıraraq, hər birinizə səmimiyyətimlə təşəkkür edirəm.
cənab nazir!
Əvvəla bir məsələni qeyd edim ki, mən Respublikaxəbər.az İnformasiya-Xəbər Portalının rəhbəri olaraq, hər zaman DİO-nın peşə fəaliyyətini Azərbaycan polisinin fəaliyyətini müşahidə edirəm, müsbət və ya mənfi hallar barədə Sizə məlumat verirəm.

Təşəkkür məktubumla bağlı bildirim ki, mən müstəqil Media fəaliyyəti ilə məşğul olmağımla bərabər ailəmin təminatını ödəmək məqsədi ilə hərdən boş vaxtlarımda taksi fəaliyyəti ilə də məşğul oluram. Reket jurnalistlər sırasına daxil olmamağım üçün var qüvvəmlə qazancımı halal yollarla qazanmağa çalışıram.

Belə ki, dünən 01 sentyabr 2024-cü il tarixdə, təxminən mən, Nəsimi rayon ərazisindən Maxim taksi şirkəti vasitəsi ilə bir nəfər müştərini Nardaran qəsəbəsinə aparan zaman Nardaran qəsəbəsinin girişində yerləşən 8 saylı stosionar polis postunda əməkdaşlar tərəfindən saxlanıldım və avtomobilimə baxış keçirildi.
Baxış keçirilən zaman əməkdaşlar ilk öncə mənimlə əsl polis əməkdaşının vətəndaşla etik-davranış kodekslərinə uyğun şəkildə davranaraq, əvvəl avtomobilimin arxa hissəsini açmağımı tələb edərək baxış keçirdilər. Daha sonra şəxsiyyətimi araşdırdılar və məndən həmin müştərini haradan götürdüyümü soruşdular. Mən də əməkdaşların bu cür davranışlarından razı qaldım və hər bir məsələni olduğu kimi dedim. Əməkdaşlar məndən sonra müştəriyə yaxınlaşaraq yenə eyni şəkildə özlərini təqdim edərək, müştərinin maşından enməsini xahiş edərək, üzərində nə varsa çıxartmasını tələb etdilər və sonra həmin şəxsin üzərinə baxış keçirdilər. Vətəndaşın əşyalarını yoxlayarkən naryad göndərilməsini bildirdilər və məni də sərbəst buraxdılar. Mən onların ədalətli davranışlarından və həmin şəxsin şübhəli hallarını müəyyən etmələri məni daha da sevindirdi. El arasında belə bir məsəl var, əvvəlcədən üzr istəyirəm. Belə bir deyim var, deyirlər ki, məsələn: Filankəs "quşu göydə vurur" Yəni ki, həmin polislər bizdən əvvəl də bir iki maşına baxış keçirdilər, amma məni yoxlayan kimi dərindən yox! Hesab edirəm ki, həmin maşınlar qəsəbədə yaşayan və tez-tez gedib gələn şəxslərdir. Amma mənim maşınımdakı şəxsi müəyyən etmələri məni heyran etdi.
Çünki, həmin şəxs qatil də ola bilərdi. Məni aparıb mənə işgəncə də verə bilərdi və ya öldürə də bilərdi. Cinayətkarlıqla mübarizədə yüksək səviyyədə hərəkət etdilər. Eşq olsun belə əməkdaşlara! Vallahi tam səmimi deyim ki, bu təşəkkür məktubunu mənim yazmağımdan heç özlərinin xəbəri yoxdur! Heç onlar bilmədilər ki, mən Azərbaycan polisini hər zaman sevən, dəstəkləyən yeganə bir media işçisiyəm.
Cənab Nazir!
Mən bir daha fürsətdən istifadə edib, ilk öncə özümün, ailəmin, ailə üzvlərimin və redaksiya heyyətimin adından əvvəlcə Sizə təşəkkür edirəm! Qarşınızda baş əyirəm!
Daha sonra DİO-da ləyaqətlə xidmət edən bütün əməkdaşlara və barələrində təşəkkür etdiyim əməkdaşlara təşəkkürümü bildirir, peşə fəaliyyətlərində uğurlar arzu edirəm. Var olun Sizi! Nə yaxşı ki, Siz varsınız! Sizin belə əməkdaşlarınız var! Yaşasın Azərbaycan Polisi! Başda Siz!
Hörmətlə: Elyaz Yazan