ELYAZ YAZAN POLİSIN HƏRƏKƏTLƏRİ BARƏDƏ DİN-NƏ TƏŞƏKKÜR MƏKTUBU ÜNVANLADI.

Respublikaxəbər.az-ın rəhbəri Elyaz Yazan, polisin hərəkətləri barədə surəti DİN-nin Baş Mühafizə İdarəsinin rəisinə olmaqla, DİN-i general polkovnik cənab Vilayət Eyvazova, təşəkkür məktubu ünvanlayıb.

Təşəkkür məktubunu olduğu kimi təqdim edirik.

Hörmətli, cənab Nazir!
Hörmətli Rəis!

İlk öncə Sizi və DİO-da ləyaqətlə xidmət edən əməkdaşları fürsətdən istifadə edərək əvvəlcə özümün, ailəmin və redaksiya heyyətimin adından salamlayır, Azərbaycan Respublikasında İctimai Təhlükəsizliyin təminində əməyinizin hədsiz dərəcədə olmasının xalqın diqqətində olduğunu vurğulayaraq Sizə yüksək səviyyədə təşəkkür edirik.
Cənab Nazir!
Hesab edirəm ki, mənim hər zaman reallığı yazan və hər zaman da Azərbaycan polisinin dostu olaraq, polisin fəaliyyətini müşahidə edən, müsbət hərəkətlərini dərhal ictimailəşdirən, neqativ halları isə ilk öncə rəhbərliyə məruzə edərək tədbir görülməsini (neqativ halın aradan qaldırılmasını) xahiş edən, hər zaman həm bir vətəndaş olaraq, həm də bir media işçisi kimi polisə dəstək olan bir şəxs olduğumdan xəbərdarsınız.
Yenə də, Azərbaycan polisinin müsbət hərəkətlərinin şahidi oldum.
Cənab nazir!
Məlumat üçün bildirim ki, 2023-cü ilin mart ayının 2 -i saat 14:00 dan 16:00 a qədər Əmək və Əhalinin Sosial Müdafiəsi Nazirliyinin Respublika Əlillər Mərkəzində oldum. Həmin mərkəzə də yaxın qohumlarımdan birini müayinə aparmışdım. Növbə çatdıqdan sonra bizi İnzibati binaya qəbul etdilər. İçəri daxil olandan bir-neçə dəqiqə sonra bir-iki pasent və həkim arasında mübahisə yarandı. Pasent əsəb xəstəsi olması səbəbindən mərkəzdə səs tonunu yüksəyə qaldırdı. Həmin vaxt adlarını bilmədiyim DİN-nin Baş Mühafizə İdarəsinin iki polis nəfəri operativ olaraq gəldilər, həkim və pasentlərlə arada olan mübahisəni araşdırdılar, həqiqətən də pasent əsəbi olduğundan yanlış növbə götürdüyünü müəyyən edib, həmin pasentlə profilaktik söhbətlər apardıqdan sonra, mübahisənin münaqişəyə keçməsinin qarşısını almaqla ictimai səssizliyi təmin etdilər. Mən də həm bir vətəndaş, həm də bir media işçisi kimi kənardan müşahidə edərək fəxrlə gedişatı mobil telefonumla videoçəkiliş olaraq qeydə aldım ki, sonra polis haqqında bəzi mənfi fikirlər söyləyərək polisin əməyini heçə sayanlara təqdim edim ki, qoy elə nankorlar da həqiqəti anlasınlar. Elə həmin yerdə də ora gələn digər pasentlərə də polisin dərhal köməyə çatdığını və mübahisənin qarşısını almasını təbliğ etdim.
Odur ki, bh məlumatı Sizə təqdim etməklə Sizdən xahiş edirik ki, həm redaksiyamız adından, həm də ictimaiyyət adından mənim vasitəmlə çatdırılması xahiş edilən təşəkkürümüzü həmin əməkdaşların kimliyinin müəyyən edilərək, onlara çatdırılması barədə göstəriş verəsiniz. Həmin vaxt, mərkəzdə xidmətdə olan əməkdaşların Binəqədi rayon ərazisi olduğuna görə Binəqədi rayon, Mühafizə İdarəsinin olmasını düşünürük.
Azərbaycan polisi haqqında nə qədər də müsbət yazsaq, azdır.
Məlumatımızı dinlədiyiniz üçün dərin minnətdarlığımızı bildiririk.