DYP ŞƏKİ DÖVLƏT PEŞƏ TƏHSİL MƏRKƏZİNDƏ MAARİFLƏNDİRİCİ TƏDBİR KEÇİRİB

RESPUBLİKAXƏBƏR.AZ XƏBƏR VERİR Kİ, DYP ŞƏKİ DÖVLƏT PEŞƏ TƏHSİL MƏRKƏZİNDƏ MAARİFLƏNDİRİCİ TƏDBİR KEÇİRİB.
RESPUBLİKAXƏBƏR.AZ-ın məlumatına görə, 2023-cü il mayın 26-da Şəki Dövlət Peşə Təhsiı Mərkəzində "Yol hərəkətinin təhlükəsizliyində piyadaların rolu" və "Nəqliyyat vasitələrinin sürücülük hüququ olmayan şəxslər tərəfindən idarə edilməsi hallarının yol verilməzliyi" mövzularında maarifləndirici tədbir keçirilib.
Tədbirdə, Şəki Şəhər-Rayon Polis Şöbəsinin Dövlət Yol Polis Bölməsinin rəisi vəzifəsini müvəqqəti icra edən həmin bölmənin təbliğat və təşviqat üzrə inspektoru, polis baş leytenantı Tural Niftalıyev, Şəki Dövlət Peşə Təhsil Mərkəzinin direktoru Şahin Şirinzadə eləcə də müəllimlər və tələbələr iştirak ediblər.
Qeyd olunan mövzularla bağlı çıxışlar edilib, müəllimləri və tələbələri maraqlandıran suallar cavablandırılıb.
Tədbirin keçirilməsində əsas məqsədin, gənclərin iştirakı ilə baş verən yol-nəqliyyat hadisələrinin qarşısının alınması istiqamətində profilaktiki tədbirlərin gücləndirilməsi olduğu bildirilib.
Şəki Şəhər-Rayon Polis Şöbəsinin Dövlət Yol Polis Bölməsinin rəisi vəzifəsini müvəqqəti icra edən həmin bölmənin təbliğat və təşviqat üzrə inspektoru, polis baş leytenantı Tural Niftalıyev təəssüf hissi ilə bildirib ki, respublika ərazisində yol-nəqliyyat hadisələri təhlil olunduqda 17-29 yaş qrupuna daxil olan gənclərində hadisə qurbanları içərisində tutumu yüksəkdir. Hər bir gəncin yüksək bilik və bacarıqlarını formalaşdırmağı ilə yanaşı nizamlı-intizamlı olması xüsusən də həyati əhəmiyyəti yüksək olan yol hərəkəti qaydalarına ciddi əməl etməsi cəmiyyətimizin inkişafı üçün olduqca əhəmiyyətlidir. Polis baş leytenantı Tural Niftalıyev onu da xüsusi vurğulayıb ki, Şəki Dövlət Yol Polis Bölməsi tərəfindən aparılan profilaktiki tədbirlər müsbət nəticə verib. 2022-ci il ərzində xidməti ərazidə piyadaların təqsirindən heç bir yol-nəqliyyat hadisəsi baş verməyib.
Belə tədbirlərin ilin sonunadək Şəki şəhərində bütün ali və orta ixtisas məktəblərində keçirilməsi nəzərdə tutulur.
Tədbirin yekununda, Şəki Dövlət Peşə Təhsil Mərkəzinin direktoru Şahin Şirinzadə Qarabağın simvolu olan “Xarı bülbül” əks olunan əl işini polis baş leytenantı Tural Niftalıyevə hədiyyə edib və belə tədbirlərin böyük əhəmiyyət kəsb etdiyini qeyd edərək, tələbələri maarifləndirdiyinə görə, minnətdarlığını bildirib.







RESPUBLİKAXƏBƏR.AZ