ŞƏKİ POLİSİ KOLLEC TƏLƏBƏLƏRİNİ MAARİFLƏNDİRİB

RESPUBLIKAXƏBƏR.AZ xəbər verir ki,ŞƏKİ POLİSİ KOLLEC TƏLƏBƏLƏRİNİ MAARİFLƏNDİRİB

2023-cü il mayın 17-də Şəki Şəhər-Rayon Polis Şöbəsinin təşəbbüsü, Şəki Regional Mədəniyyət İdarəsi M.F.Axundzadə adına Şəki Şəhər Mədəniyyət Mərkəzi İ.Salmanov adına şəhər Folklor Klubunun təşkilatçılığı ilə Şəki Dövlət Regional Kollecinin 4-cü şöbəsinin tələbələri ilə "Gənclər narkomaniyaya yox deyir", "Dini radikalizmə qarşı mübarizə hər birimizin borcudur", "Erkən nikah və onun fəsadları", "Yetkinlik yaşına çatmayanlar, sürücülük hüququ olmayanlar tərəfindən nəqliyyat vasitələrinin idarə edilməsinin yol verilməzliyi və yol hərəkətinin təhlükəsizliyində piyadaların rolu" mövzularında maarifləndirici tədbir keçirilib.
RESPUBLİKAXƏBƏR.AZ-ın məlumatına görə, tədbirdə, Şəki Şəhər-Rayon Polis Şöbəsinin Yetkinlik Yaşına Çatmayanlarla Profilaktiki İşin Təşkili Qrupunun baş inspektoru, polis mayoru Anar Xalıqov, inspektoru polis kapitanı Səlim Səlimov, Narkotiklərlə Mübarizə Qrupunun əməliyyat müvəkkili, polis leytenantı Kənan Qurbanov, Dövlət Yol Polis Bölməsinin təbliğat və təşviqat üzrə inspektoru, polis baş leytenantı Tural Niftalıyev, Şəki Regional Mədəniyyət İdarəsinin məsləhətçisi Elvin Qarayev, Mədəniyyət İşçilərinin Həmkarlar İttifaqının Şəki Rayon Komitəsinin sədri Nəzakət Əliyeva, İ.Salmanov adına şəhər Folklor Klubunun müdiri Telman Çələbiyev, mədəni təşkilatçısı Aytən Xəlilzadə, Şəki Dövlət Regional Kolleci Publik Hüquqi Şəxsin Sosial məsələlər, ictimaiyyətlə əlaqələr və tərbiyə işləri üzrə direktor müavini Rafiq Səmədov eləcə də Kollecinin 4-cü şöbəsinin tələbələri və digər qonaqlar iştirak ediblər.
Qeyd olunan mövzularla bağlı çıxışlar edilib, tədbir iştirakçılarını maraqlandıran suallar cavablandırılıb.
Tədbirin sonunda, Dövlət Yol Polis Bölməsinin təbliğat və təşviqat üzrə inspektoru, polis baş leytenantı Tural Niftalıyev yüksək səviyyədə tədbir təşkil edilməsinə, təşkilatçılığa görə İ.Salmanov adına şəhər Folklor Klubunun müdiri Telman Çələbiyevə və Şəki Dövlət Regional Kolleci Publik Hüquqi Şəxsin Sosial məsələlər, ictimaiyyətlə əlaqələr və tərbiyə işləri üzrə direktor müavini Rafiq Səmədova Şəki Şəhər-Rayon Polis Şöbəsinin rəhbərliyi adından təşəkkürünü bildirib.