ŞƏKİ POLİSİ MƏKTƏBLƏRDƏ MAARİFLƏNDİRMƏ TƏDBİRLƏRİNİ DAVAM ETDİRİR.

RESPUBLİKAXƏBƏR.AZ xəbər verir ki, ŞƏKİ POLİSİ MƏKTƏBLƏRDƏ MAARİFLƏNDİRMƏ TƏDBİRLƏRİNİ DAVAM ETDİRİR. Növbəti tədbir 2022-ci il dekabrın 14-də Şəki şəhəri 21 nömrəli tam orta məktəbdə keçirilib. Tədbirdə Şəki Şəhər-Rayon Polis Şöbəsinin azyaşlılar üzrə inspektoru,polis kapitanı Səlim Səlimov, Dövlət Yol Polisi Bölməsinin təbliğat və təşviqat üzrə inspektoru, polis baş leytenantı məktəblilərin sevimlisi Tural Niftalıyev, Gənclər və İdman İdarəsinin aparıcı məsləhətçisi İbrahim Musayev, məktəbin direktoru Eldəniz Sadıqov, müəllimlər və məktəbin yuxarı sinif şagirdləri iştirak ediblər. RESPUBLİKAXƏBƏR. AZ-ın məlumatına görə "Gənclər narkomaniyaya yox deyir","Erkən nikah və onun fəsadları", " Yetkinlik yaşına çatmayanlar,sürücülük hüququ olmayanlar tərəfindən nəqliyyat vasitələrinin idarə edilməsinin yol verilməzliyi, " Yol hərəkətinin təhlükəsizliyində piyadaların rolu " mövzularında çıxışlar edilib şagirdləri maraqlandıran suallar cavablandırılıb. Bu istiqamətdə maarifləndirmə tədbirlərinin rayonun digər təhsil müəssisələrində də davam etdiriləcəyi qeyd olunub. Respublikaxəbər.az