ŞƏKİ POLİSİ KƏND MƏKTƏBLƏRİNDƏ DƏ MAARİFLƏNDİRMƏ TƏDBİRLƏRİ KEÇİRİR

Respublikaxəbər.az xəbər verir ki, Şəki polisi kənd məktəblərində də maarifləndirmə tədbirləri keçirir.

"Gənclər narkomaniyaya yox deyir", "Dini radikalizmə qarşı mübarizə hər birimizin borcudur", "Erkən nikah və onun fəsadları", "Yetkinlik yaşına çatmayanlar, sürücülük hüququ olmayanlar tərəfindən nəqliyyat vasitələrinin idarə edilməsinin yol verilməzliyi və yol hərəkətinin təhlükəsizliyində piyadaların rolu" mövzularında təhsil müəssisələrində maarifləndirici tədbirlər davam etdirilir.
Respublikaxəbər.az-ın məlumatına görə növbəti tədbir, 2022-ci il noyabrın 4-də Şəki rayonu, Orta Zəyzid kənd 2 nömrəli tam orta məktəbin yuxarı sinif şagirdləri ilə keçirilib.
Tədbirdə, Şəki Şəhər-Rayon Polis Şöbəsinin Yetkinlik Yaşına Çatmayanlarla Profilaktiki İşin Təşkili Qrupunun inspektoru, polis kapitanı Səlim Səlimov, Dövlət Yol Polis Bölməsinin təbliğat və təşviqat üzrə inspektoru, məktəblilərin sevimlisi polis baş leytenantı Tural Niftalıyev, məktəbin direktoru, Fərrux Kərimli müəllimlər, eləcə də məktəbin yuxarı sinif şagirdləri iştirak ediblər.
Qeyd olunan mövzularla bağlı çıxışlar edilib, məktəbliləri maraqlandıran suallar cavablandırılıb.
Təhsil müəssisələrində bu istiqamətdə tədbirlərin davam etdiriləcəyi qeyd olunub.
Tədbirin yekununda, Şəki rayonu, Orta Zəyzid kənd 2 nömrəli tam orta məktəbin direktoru, Fərrux Kərimli belə tədbirlərin böyük əhəmiyyət kəsb etdiyini qeyd edərək, maarifləndirici tədbirin keçirilməsinə görə, hüquq mühafizə orqanlarının əməkdaşlarına öz minnətdarlığını bildirib.













Respublikaxəbər.az