Şəki DYP “Diqqət, uşaqlar!” aylığı çərçivəsində təhsil müəssisələrində maarifləndirmə tədbirlərini davam etdirir

Respublikaxəbər.az xəbər verir ki,Şəki DYP “Diqqət, uşaqlar!” aylığı çərçivəsində
təhsil müəssisələrində maarifləndirmə tədbirlərini davam etdirir

2022-ci il sentyabrın 28-də Şəki Şəhər-Rayon Polis Şöbəsinin Dövlət Yol Polisi Bölməsinin təbliğat və təşviqat üzrə inspektoru, polis baş leytenantı Tural Niftalıyev Şəki şəhəri 9 saylı Beynəlmiləl tam orta məktəbin ibtidai sinif şagirdləri ilə maarifləndirici tədbir keçirib. Şagirdlərə piyadanın vəzifələri barədə ətraflı izahlar verilib, onları maraqlandıran suallar cavablandırılıb.
Respublikaxəbər.az-ın məlumatına görəTədbir zamanı, Şəki Şəhər-Rayon Polis Şöbəsinin Dövlət Yol Polis Bölməsinin təbliğat və təşviqat üzrə inspektoru, polis baş leytenantı Tural Niftalıyev, şagirdlərə əyani vasitələrdən istifadə etməklə avtomobil, piyada, küçə, yol, səki, svetofor, piyada keçidi və digər anlayışlar barədə ətraflı məlumatlar verib. Qeyd olunub ki, aşağı sinif şagirdləri (I-V sinif şagirdləri), məktəblərə ancaq valideynlər tərəfindən aparılmalı, valideynlər özləri də qaydalara əməl etməlidirlər. Belə ki, uşağı aparan valideyn uşağın əlindən tutmalı, səkilərlə hərəkət etməli, səki yoxdursa küçənin tam kənarı ilə, yollarda isə ehtiyat hissə ilə hərəkət etməlidir. Uşaqlar, valideynlərin nəqliyyat axını olmayan tərəfdə olmaqla əlindən tutmalıdırlar. Valideynlər yaxınlaşan nəqliyyatın hərəkətinə qarşı diqqətli olmalıdırlar.
Şagirdlərə küçə hərəkəti qaydaları barədə ətraflı məlumat verilib, onları maraqlandıran suallar cavablandırılıb.
Yol hərəkəti qaydalarına aid videoçarx izlənildikdən sonra, şagirdlərə Yol Hərəkəti Haqqında Qanunun 40-cı maddəsi, “Piyadanın vəzifələri” qeyd olunan maarifləndirici vərəqələr paylanıb.
Tədbirin yekununda, Şəki şəhəri 9 saylı Beynəlmiləl tam orta məktəbin direktoru, İntizar Abdullayeva, çıxış edərək bildirib ki, polis baş leytenantı Tural Niftalıyev hər il bütün məktəblərdə, eləcədə 9 saylı beynəlmiləl tam orta məktəbdə il ərzində 2 dəfə, 1 dəfə ibtidai sinif şagirdləri ilə, bir dəfə isə yuxarı sinif şagirdləri ilə maarifləndirici tədbir keçirir.Onun ümumtəhsil müəssisələri ilə sıx əməkdaşlıq etməsinin, fəal maarifləndirmə işləri aparmasının nəticəsidir ki, Daxili İşlər Nazirliyinin Baş Dövlət Yol Polisi İdarəsinin ötən il (07 oktyabr - 20 noyabr 2021-ci il ) “Yol Hərəkəti Qaydalaı Uşaqların Gözü İlə” mövzusunda uşaq və yeniyetmələr arasında keçirdiyi rəsm müsabiqəsində ,müsabiqəyə qatılmış respublikanın 43 şəhər və rayonu içərisində Şəki rayonu xüsusi olaraq seçilib.Belə ki, münsiflər tərəfindən yüksək qiymətləndirildiyi üçün 36 nəfər iştirakçının təltif olunması qərara alınmışdır ki, onlardan 6-sı Şəki məktəblilərinin payına düşmüşdür.Onlardan 2-si məhz Şəki şəhər 9 saylı beynəlmiləl tam orta məktəbin şagirdləri (Yusifli Sənan Babək oğlu və Yusibov Nuran Şahin oğlu ) olmuşdur.
Məktəbin direktoru İntizar Abdullayeva çıxışında onuda xüsusi vurğulayıb ki,təqdimatın keçirildiyi gün, 2021-ci il dekabrın 13-də Şəki Şəhər Təhsil Şöbəsi tərəfindən Polis baş leytenantı Tural Niftalıyevə “Şəki Şəhər Təhsil Şöbəsi o cümlədən ümumtəhsil müəssisələri ilə sıx əməkdaşlıq edərək, şagirdlərə piyadanın vəzifələrinin öyrədilməsi üçün fəal maarifləndirmə işləri apardığına görə “ MƏKTƏBLİLƏRİN SEVİMLİSİ sertifikatı verilib.Bu səbəbdən də, mən onu Sizə bu cür təqdim edirəm. Məktəbin direktoru İntizar Abdullayeva belə tədbirlərin böyük əhəmiyyət kəsb etdiyini qeyd edərək, şagirdləri maarifləndirdiyinə görə, məktəblilərin sevimlisi, polis baş leytenantı Tural Niftalıyevə məktəb kollektivi adından bir daha minnətdarlığını bildirib.