ŞƏKİ POLİSİ KOLLEC TƏLƏBƏLƏRİNİ MAARİFLƏNDİRDİ.

Respublikaxəbər.az xəbər verir ki, Şəki polisi Kollec tələbələrini maarifləndirdi.

Şəki Şəhər-Rayon Polis Şöbəsinin təşəbbüsü ilə "Gənclər narkomaniyaya yox deyir" və "Sürücülük hüququ olmadan nəqliyyat vasitələrinin idarə ediməsinin yol verilməzliyi, yol hərəkətinin təhlükəsizliyində piyadaların rolu" mövzularında maarifləndirici tədbirlər davam etdirilir.
Respublikaxəbər.az-ın məlumatına görə növbəti tədbir, 2022-ci il noyabrın 5-də Şəki Tibb kollecində keçirilib.
Tədbirdə, Şəki Şəhər-Rayon Polis Şöbəsinin rəisi, polis polkovniki Azər Muradov, təşkilati inspektor qrupunun baş inpektoru, polis polkovnik-leytenantı Maqsud Məsimov, Dövlət Yol Polis Bölməsinin təbliğat və təşviqat üzrə inspektoru, polis baş leytenantı Tural Niftalıyev, kollecin direktoru Elmira Hacıyeva, müəllimlər və tələbələr iştirak ediblər.
Qeyd olunan mövzularla bağlı çıxışlar edilib, videoçarx nümayiş etdirilib və tədbir iştirakçılarını maraqlandıran suallar cavablandırılıb.
Tədbirin yekununda, Şəki Tibb Kollecinin direktoru Elmira Hacıyeva belə tədbirlərin böyük əhəmiyyət kəsb etdiyini qeyd edərək, maarifləndirici tədbirin keçirilməsinə görə, polis şöbəsinin rəisi Azər Muradova və əməkdaşlarına öz minnətdarlığını bildirib.

Biz də redaksiya olaraq, redaksiya heyyətinin rəhbəri Elyaz Yazan başda olmaqla, redaksiyaya heyyətimiz adından Elmira Hacıyevanın təşəkkürünə qoşulub, başda Şəki ŞRPŞ-nin rəisi polis polkovniki cənab Azər Muradova və eləcə də Şəki polisinə dərin minnətdarlığımızı bildiririk.



















Respublikaxəbər.az