Şəki DYP şagirdləri maarifləndirdi.

Şəki DYP şagirdləri maarifləndirdi.

Respublikaxəbər.az-ın məlumatına görə, Şəki Şəhər -Rayon Polis Şöbəsinin Dövlət Yol Polis Bölməsi uşaq travmatizminin qarşısının alınması məqsədi ilə təhsil müəssisələrində maarifləndirmə tədbirlərini davam etdirir. Növbəti tədbir, 2022-ci il oktyabrın 24-də Şəki şəhər 17 nömrəli tam orta məktəbdə keçirilib. Dövlət Yol Polis Bölməsinin təbliğat və təşviqat üzrə inspektoru, məktəblilərin sevimlisi polis baş leytenantı Tural Niftalıyev çıxış edərkən bildirib ki, bu tədbirlər piyadaların intizamının artırılması, təhlükəsiz davranış vərdişlərinin aşılanması, tədris prosesinin effektliyinin yüksəldilməsinə Dövlət Yol Polisinin köməyinin artırılması məqsədi ilə keçirilir. İbtidai sinif şagirdlərinə "Piyadanın vəzifələri" barədə ətraflı məlumat verilib , onları maraqlandıran suallar cavablandırılıb. Sonra, şagirdlər yol hərəkəti qaydalarına aid bilik və bacarıqlarını nümayiş etdiriblər. Yol hərəkəti qaydalarına aid şeirlər, mahnılar səsləndirib , səhnəcik nümayiş etdiriblər. Daha sonra, polis baş leytenantı Tural Niftalıyev ibtidai sinif şagirdlərinin hazırladıqları, yol hərəkəti qaydalarına aid əl işlərinə baxıb. Tədbirin sonunda, Şəki şəhər 17 nömrəli tam orta məktəbin direktoru, Gülnarə Nəsibova şagirdləri maarifləndirdiyinə görə, məktəb kollektivi adından polis baş leytenantı Tural Niftalıyevə minnətdarlığını bildirib.

















Respublikaxəbər.az