ŞƏKİ POLİSİ TƏHSİL MÜƏSSİSƏLƏRİNDƏ MAARİFLƏNDİRMƏ TƏDBİRLƏRİNİ DAVAM ETDİRİR

RESPUBLİKAXƏBƏR.AZ xəbər verir ki, ŞƏKİ POLİSİ TƏHSİL MÜƏSSİSƏLƏRİNDƏ MAARİFLƏNDİRMƏ TƏDBİRLƏRİNİ DAVAM ETDİRİR




Respublikaxəbər.az-ın məlumatına görə, 2023-cü il aprelin 14-də Şəki rayonu, Yeni Çələbixan qəsəbəsində yerləşən Şuşa rayon, Sarıbaba kənd mədəniyyət evində Şəki Şəhər-Rayon Polis Şöbəsinin təşəbbüsü ilə "Gənclər narkomaniyaya yox deyir", "Dini radikalizmə qarşı mübarizə hər birimizin borcudur ", "Erkən nikah və onun fəsadları", "Yetkinlik yaşına çatmayanlar, sürücülük hüququ olmayanlar tərəfindən nəqliyyat vasitələrinin idarə edilməsinin yol verilməzliyi və yol hərəkətinin təhlükəsizliyində piyadaların rolu" mövzularında Ağdam və Laçın məktəblərinin yuxarı sinif şagirdləri ilə maarifləndirici tədbir keçirilib.
Tədbirdə, Şəki Şəhər-Rayon Polis Şöbəsinin Yetkinlik Yaşına Çatmayanlarla Profilaktiki İşin Təşkili Qrupunun baş inspektoru, polis mayoru Anar Xalıqov, Narkotiklərlə Mübarizə Qrupunun əməliyyat müvəkkili, polis leytenantı Kənan Qurbanov, Dövlət Yol Polis Bölməsinin təbliğat və təşviqat üzrə inspektoru, məktəblilərin sevimlisi polis baş leytenantı Tural Niftalıyev, Şuşa rayon, Sarıbaba kənd mədəniyyət evinin direktoru Məmməd Məmmədov, Şuşa rayon, Xəlfəli kənd kitabxana filialının müdiri Vəfa Hüseynova, Ağdam rayon 29 nömrəli tam orta məktəbinin direktoru Aysel Mustafayeva, Laçın rayonu, Kaha kənd tam orta məktəbinin direktor müavini Xıdır Əsədov, Ağdam və Laçın məktəblərinin müəllimləri o cümlədən yuxarı sinif şagirdləri iştirak ediblər.
Qeyd olunan mövzularla bağlı çıxışlar edilib, məktəbliləri və müəllimləri maraqlandıran suallar cavablandırılıb.
Təhsil müəssisələrində bu istiqamətdə tədbirlərin davam etdiriləcəyi qeyd olunub.
Tədbirin yekununda,Şəki Dövlət Yol Polis Bölməsinin təbliğat və təşviqat üzrə inspektoru, məktəblilərin sevimlisi polis baş leytenantı Tural Niftalıyev, Şuşa rayon Sarıbaba kənd mədəniyyət evinin direktoru Məmməd Məmmədova və Şuşa rayon Xəlfəli kənd kitabxana filialının müdiri Vəfa Hüseynovaya tədbirin keçirilməsinə şərait yaradılmasına, yüksək səviyyədə təşkilatçılıq edilməsinə görə minnətdarlığını bildirib.















Respublikaxəbər.az