ŞƏKİ POLİSİ TƏHSİL MÜƏSSİSƏLƏRİNDƏ MAARİFLƏNDİRMƏ TƏDBİRLƏRİNİ DAVAM ETDİRİR

RESPUBLİKAXƏBƏR.AZ XƏBƏR VERİR Kİ, ŞƏKİ POLİSİ TƏHSİL MÜƏSSİSƏLƏRİNDƏ MAARİFLƏNDİRMƏ TƏDBİRLƏRİNİ DAVAM ETDİRİR




Şəki Şəhər-Rayon Polis Şöbəsinin təşəbbüsü ilə"Gənclər narkomaniyaya yox deyir", “Erkən nikahın sonrakı fəsadları” və "Yetkinlik yaşına çatmayanlar, sürücülük hüququ olmayanlar tərəfindən nəqliyyat vasitələrinin idarə edilməsinin yol verilməzliyi və yol hərəkətinin təhlükəsizliyində piyadaların rolu" mövzularında təhsil müəssisələrində maarifləndirici tədbirlər davam etdirilir.
RESPUBLİKAXƏBƏR.AZ-ın məlumatına görə, növbəti tədbir, 2023-cü il martın 10-da Şəki rayonu, İnçə-Zunud kənd tam orta məktəbin yuxarı sinif şagirdləri ilə keçirilib.
Tədbirdə, Şəki Şəhər-Rayon Polis Şöbəsinin YYÇPİTQ-nun inspektoru, polis kapitanı Səlim Səlimov, şöbənin NMQ-nun əməliyyat müvəkkili, polis leytenantı Kənan Qurbanov, Dövlət Yol Polis Bölməsinin təbliğat və təşviqat üzrə inspektoru, məktəblilərin sevimlisi polis baş leytenantı Tural Niftalıyev, İnçə-Zunud kənd tam
orta məktəbin direktor əvəzi Almaz Kərimova, müəllimlər, eləcə də məktəbin yuxarı sinif şagirdləri iştirak ediblər.
Qeyd olunan mövzularla bağlı çıxışlar edilib, məktəbliləri maraqlandıran suallar cavablandırılıb.
Təhsil müəssisələrində bu istiqamətdə tədbirlərin davam etdiriləcəyi qeyd olunub.
Tədbirin yekununda, məktəbin drektor əvəzi Almaz Kərimova belə tədbirlərin böyük əhəmiyyət kəsb etdiyini qeyd edərək, maarifləndirici tədbirin keçirilməsinə görə, polis əməkdaşlarına məktəb kollektivi adından minnətdarlığını bildirib.










RESPUBLİKAXƏBƏR.AZ