ŞİN ŞADLIQ SARAYI QANUNU TİKİLİDİRMİ? QANUNSUZ TİKİLİ SÖKÜLMƏLİDİR, YOXSA?

Respublikaxəbər.az xəbər verir ki, Elyaz Yazan, bu dəfə Şəkinin bir qismi Şin kəndi, bir qismi də Baş Göynük kəndi ərazisinə məxsus olan və üzərində adı olmasa da el arasında "ŞİN ŞADLIQ SARAYI" kimi tanınan restorandan danışıb.

Elyaz Yazan:

Əziz, hörmətli və dəyərli izləyicilər!
Hər birimiz bilirirk ki, bu gün Azərbaycan Respublikasında qanunvericiliyin tələblərinə ciddi riayət olunur. Lakin bəzi zəngin şəxslər və ya zəngin şəxslərin adını verməklə insanların gözlərinə kül üfürən qanunsuz sahibkarlar da vardır. Yuxarıda qeyd edildiyi kimi Şəkinin bir qismi Şin kəndi, bir qismi də Baş Göynük kəndi ərazisinə məxsus olan və üzərində adı olmasa da el arasında "ŞİN ŞADLIQ SARAYI" kimi tanınan restoran hansı əsaslarla fəaliyyət göstərir?
Bu barədə açıqlama verməklə bildirmək istəyirəm ki, bir müddət bundan öncə adı qeyd olunan şadlıq evinin ön tərəfində Baş Göynük kənd bələdiyyəsinin mülkiyyətinə aid olan 0.50 ha torpaq sahəsinin bağsalma məqsədli mənə uzunmüddətli icarəyə verilməsi barədə müvafiq sənədlər imzalanaraq qismən mənə ayrılmışdır. Lakin, Baş Göynük kənd bələdiyyəsinin sabiq sədri Vüqar Məmmədov prosedur qaydalara əməl etməmiş, Şin kəndinin sabiq bələdiyyə sədri Gözəl Əzimova da vəzifə səlahiyyətlərindən sui istifadə etməklə həmin ərazinin özünün dediyinə görə Şin kəndinə aid olmadığını bilmədiyi üçün iki hissə olmaqla 0.12 ha öz ərinə və 0.12 ha qardaşına olmaqla ümumilikdə 0.24 ha torpaq sahəsini həyətyanı kimi qərar qəbul etmiş, Əmlak Məsələləriüzrə Dövlət Komitəsinin Şəki Regional İdarəsi də həmin əraziyə çıxarış vermişdir. Bütün bu kimi qanunsuzluqlar mənim Şəki rayon prokurorluğuna etdiyim şikayət əsasında aparılmış obyektiv araşdırma nəticəsində öz təsdiqini tapmış, Gözəl Əzimovanın barəsində cinayət əməli aşkar edilmiş, Azərbaycan Respublikası CM-nin 314-cü maddəsinin tərkib əlamətləri olsa da müddət keçdiyi üçün onun barəsində bəraətverici əsaslarla xitam verilmişdir. Bundan əlavə də Baş Göynük kənd bələdiyyəsinə öz mülkiyyətini tanınması üçün məhkəməyə müraciət etməsi tövsiyə edilmişdir. Nəticə etibarı ilə Restoranı işlədən məsul şəxs mənim restorana daxil olan avtomobil yolunu müvəqqəti bağladığım üçün mənə sual verdi ki, bəs restoranın avtomobil yolu haradan olmalıdır? Mənim də bildiyimə görə hər bir müəssisənin avtomobil yolu onun inşası üçün icazə verilmiş sənədlərdə göstərilir. Həmin vaxt mən hesab etdim ki, həmin restoranın inşasına icazə verilməyib. Bu barədə hazırda Azərbaycan Respublikasının Ədliyyə Nazirliyinə və eləcə də surətini AR-Ədliyyə Nazirliyinin Şəki Regional Ədliyyə İdarəsinə rəsmi ərizə ilə müraciət etmişəm. Hazırda ərizəmlə bağlı Şəki Regional Ədliyyə İdarəsində araşdırma aparılır. Ümid edirik ki, barəsində araşdırma aparılması üçün ərizə ilə müraciəıt etdiyim Şin Şadlıq sarayının qanunsuz tikili olub-olmaması barədə araşdırma aparılmaqla nəticəsi barədə müraciət müəllfi olaraq mənə də cavab veriləcəkdir. Əlavə olaraq onu da qeyd edim ki, Paytaxtın rayonlarında və eləcə də rayon sakinlərinin dediklərinə görə hər hansı bir şəxs özünəməxsus torpaq sahəsində daşı-daş üstünə qoyduğu zaman bütün İcra orqanları gəlirlər və tikili üçün qanuni sənədləri tələb edirlər, əks təqdirdə tikdiyini sökəcəyini deyirlər və bəzi hallarda da dediklərini edirlər. İndi görək bu böyüklükdə tikilinin qanuni sənədləri üzə çııxacaqmı, yoxsa?

Korluq anlayışı yalnız görməməyə deyil, görülməmələri də ehtiva edər. Qəhrəmanlar qorunmaq üçün görünməz olurlar.


Məsələni diqqətdə saxlayacağıq!

Respublikaxəbər.az