ŞƏKİNİN ŞİN KƏNDİNİN SABİQ BƏLƏDİYYƏ SƏDRİ GÖZƏL XANIM, HƏBS OLUNACAQMI? ÇOX GÜMAN Kİ...

ŞİN KƏNDİNİN SABİQ BƏLƏDİYYƏ SƏDRİ GÖZƏL XANIMIN VERDİYİ QƏRAR HEÇ DƏ GÖZƏL OLMAYIB.
Respublikaxəbər.az-ın rəhbəri Elyaz Gülüyev Ədliyyə Nazirinə şikayət edib.
Şikayət ərizəsini olduğu kimi təqdim edirik.

Azərbaycan Respublikasının Ədliyyə
naziri cənab Fikrət Məmmədova:
Surəti: Azərbaycan Respublikasının Baş
Prokuru cənab Kamran Əliyevə:
Surəti: Şəki Şəhər İcra Hakimiyyətinin başçısı
cənab Elxan Usubova:
Şəki rayon, Baş Şabalıd kəndində yaşayan,
Azərbaycan Respublikasının vətəndaşı
Gülüyev Elyaz Ağasəf oğlu tərəfindən
əlaqə nömrəm (051) 831 01 01

Ə R İ Z Ə (şikayət)

(Şəki rayon, Şin kəndinin Sabiq bələdiyyə sədri Gözəl xanımın və Baş Göynük kənd bələdiyyəsinin Sabiq sədri Vüqar Məmmədovun vəzifə səlahiyyətlərini aşma, vəzifələrindən sui istifadə və vəzifələrinə səhlənkar yanaşmaları səbəbindən, barələrində Azərbaycan Respublikası CM-nin müvafiq maddələri ilə cinayət işinin başlanması barədə qərar qəbul edilməsi ilə bağlı)

Hörmətli cənab Nazir,
Möhtərəm Baş Prokuror,
Hörmətli cənab başçı,

Şikayət ərizəmə başlamazdan əvvəl, bir vətəndaş olaraq, Sizi salamlayıb, nə yaxşı ki, Siz varsınız deyə Sizə, hüquqlarımızın müdafiəsində köməyinizi heç bir zaman əsirgəmədiyiniz üçün fürsətdən istifadə edərək öncə özümün və bələdiyyə yaranan gündən bu günə qədər bələdiyyədə müxtəlif vəzifələrdə çalışan, ömrünün 50 ilini dövlətə həsr edən atam, Gülüyev Ağasəf Hüseyn oğlu başda olmaqla bütün ailə üzvlərimiz adından təşəkkür edirəm.

Hörmətli cənab Nazir,
Mahiyyəti üzrə bildirirəm ki, 2013-cü ilin oktyabr ayında Şəki rayon, Baş Göynük bələdiyyəsinə ərizə ilə müraciət edərək, bələdiyyə mülkiyyətinə aid olan, Şin çayının qərb sahilində yerləşən əkinə tam yararsız olan torpaq sahəsindən kənd təsərrüfatı (bağsalma) məqsədli 0,50 ha torpaq sahəsinin ayrılaraq qanuna müvafiq qaydada uzun müddətli icarəyə götürməyimə köməklik göstərilməsini bildirmişəm.
Bələdiyyə mənim müraciətimi nəzərə alaraq, özümün iştirakı ilə Şin şadlıq sarayının qarşısından (ön tərəfindən) 0,50 ha torpaq sahəsi ölçülmüş və ölçülən torpaq sahəsinin sxemi işlənməklə, 31 oktyabr 2013-cü il tarixli, 13 saylı ümumi iclas protokoluna əsasən qərar verilmiş və qərarda həmin torpaq sahəsinin plan və ölçüsünün hazırlanması DTXK-nin Şəki rayon şöbəsindən xahiş olunması göstərilmişdir.
Hörmətli cənab Nazir,
Dəfələrlə telefon zəngi vasitəsi ilə və həmçinin bir çox hallarda üzbə-üz olaraq bələdiyyəyə müraciət etməyimə baxmayaraq, 2013-cü ilin oktyabr ayından bu günə kimi 8 il, 4 ay keçmiş lakin, hələ də heç bir sənədləşmə işi aparılmamışdır.
Əgər 2013-cü ildə sənədləşmə aparılmaqla, mən icarə müqaviləsini əldə etmiş olsaydım bu gün həmin torpaq sahəsi 8 illik gözə-ürəkaçan bir bağ sahəsi olardı.
Onu da qeyd edim ki, sonuncu dəfə 2021-ci ilin təxminən orta aylarında Baş Göynük bələdiyyəsinə müraciət edərək mənim torpaq sahəmin sənədlərinin qaydasına salınmaması ilə bağlı məlumat verdim və sənədlərin qaydasına salınmasını xahiş etdim. Baş Göynük bələdiyyəsi də DTXK-nə ərizə ilə müraciət etdikdən sonra gəlib torpağın təyinatına baxdılar və ölçdülər,təxminən 15 gün keçdikdən sonra məlum oldu ki, həmin torpaq sahəsinin özününküləşdirilməsi ilə bağlı bələdiyyə sədrliyi dövründə Şəki rayon Şin kənd bələdiyyəsinin sabiq sədri Gözəl xanım qərar qəbul edib, həmin qərara əsasən də həmin vətəndaşlar həmin torpağa çıxarış alıblar. Bu zaman mənə məlum oldu ki, Şin kəndinin sabiq bələdiyyə sədri vəzifə səlahiyyətlərindən sui istifadə edərək, vəzifə səlahiyyətlərini aşaraq Baş Göynük bələdiyyəsinin mülkiyyətinə aid olan torpaq sahəsinə qərar verib. Təbii ki, Gözəl xanım,bunu elə-belə etməz! Mən düşünürəmki, Gözəl xanım həmin şəxslərdən rüşvət alaraq bu kimi özbaşına hərəkətlər edib. Nəticə etibarı ilə mənim üçün ayrılmış torpaq sahəsinin vaxtında sənədləməməsi ilə bağlı səhlənkarlıq edən bələdiyyə sədrinin və həmçinin öz ərazisinə aid olmayan qonşu kəndin bələdiyyəsinin mülkiyyətinə aid olan torpaq sahəsi barədə qərar qəbul edən Şin kəndinin sabiq bələdiyyə sədri Gözəl xanımın barəsində qanunvericiliyin tələblərinə uyğun şəkildə tədbir görülməklə hər iki bələdiyyə sədrləri barədə AR-CM-nin müvafiq maddələri ilə cinayət işinin başlanması ilə bağlı qərar qəbul olunması, həmçinin mənim üçün nəzərədə tutulan həmin ərazidəki 0,50 torpaq sahəsinə qısa müddətdə sənədləşmə aparılmaqla, uzun müddətli icarə müqaviləsinin bağlanması və nəticəsi barədə müraciət müəllifi olaraq mənə məlumat verilməs ilə bağlı aidyyatı qurum və təşkilatlara göstəriş verməıyinizi, Sizdən xahiş edirəm.
Sizləri narahat etdiyimüçün əvvəlcədən üzr istəyirəm.

QOŞMA:
1. Sikayət ərizəm- (bir nüsxədə iki vərəq)
2. Bələdiyyə tərəfindən verilmiş qərarın və torpaq sahəsi üçün işlənmiş sxemin surətləri (İki nüsxə iki vərəq)
3.
İmza: Gülüyev E. A

Qarşı tərəfin də mövqeyini dinləyərəkdərc etməyə hazırıq!
Respublikaxeber.az