ŞƏKİDƏ DYP TAKSİ SÜRÜCÜLƏRİ İLƏ GÖRÜŞ KEÇİRİB.

Respublikaxəbər.az, xəbər verir ki, ŞƏKİ DYP TAKSİ SÜRÜCÜLƏRİ İLƏ GÖRÜŞ KEÇİRİB.


Respublikaxəbər.az-ın məlumatına görə Şəki Şəhər-Rayon Polis Şöbəsinin Dövlət Yol Polis Bölməsinin təbliğat və təşviqat üzrə inspektoru polis baş leytenantı Tural Niftalıyev 2022-ci il iyulun 30-da Şəki şəhəri, Salman Mümtaz küçəsində fəaliyyət göstərən taksi minik avtomobillərinin sürücüləri ilə görüş keçirib.
Görüş zamanı, sürücülərə nəqliyyat vasitələrinin istismarı zamanı mühərrikdən xaric olan zəhərli tullantılardan atmosferin çirklənməsinin qarşısının alınması məqsədilə 2022-ci ilin avqust ayında Respublikamızda “Təmiz hava aylığı”nın keçiriləcəyi barədə məlumat verilib.






“Təmiz Hava” aylığının böyük əhəmiyyət kəsb edən bir tədbir olmaqla, ölkəmizin ekoloji vəziyyətinin yaxşılaşdırılmasına, insanların sağlamlığının qorunmasına xidmət etməsi xüsusi qeyd olunub.
Bildirilib ki, küçə və yollarda mütəmadi olaraq reydlər keçiriləcək, qazanalizatorlardan istifadə edilərək ixrac qazların zəhərlilik dərəcəsi yoxlanılacaqdır. Zəhərliliyin miqdarı normadan artıq olan nəqliyyat vasitələrinin sürücüləri haqqında müvafiq tədbirlər görüləcəkdir.
Polis baş leytenantı Tural Niftalıyev sürücüləri xəbərdar edib ki, xidməti ərazidə yol-patrul xidməti əməkdaşları tərəfindən mühərriki nasaz vəziyyətdə olan avtomobillərin idarə edilməsi faktı aşkar edilərsə, həmin avtomobillərin sürücüləri barəsində Azərbaycan Respublikası İnzibati Xətalar Məcəlləsinin 342.5-ci maddəsi ilə inzibati xəta haqqında protokol tərtib edilərək 50 (əlli) manat məbləğində cərimə olunmaları barədə qərar qəbul ediləcəkdir.
Respublikaxəbər.az