Qardaşını mütəşəkkil şəkildə döyən həmkəndliləri barədə, Elyaz Gülüyev Ölkə rəhbərinə müraciət məktubu ünvanlayıb.

RESPUBLİKAXƏBƏR.AZ-ın rəhbəri qardaşının döyülməsi ilə bağlı Ölkə rəhbəri başda olmaqla, bütün Hüquq-Mühafizə orqanlarına müraciət məktubu ünvanlayıb.
Həmin məktubu Siz dəyərli izləyicilərimizə təqdim edirik.
Azərbaycan Respublikasının Prezidenti cənab İlham Əliyevə:
Surəti: Azərbaycan Respublikasının Dövlət Təhlükəsizlik Xidmətinin rəisinə:
Surəti:Azərbaycan Respublikasının Baş Prokuroru cənab Kamran Əliyevə:
Surəti: Azərbaycan Respublikasının Daxili İşlər Naziri general-polkovnik cənab Vilayət Eyvazova:
Surəti:
Bakı şəhər Prokurorluğuna:
Surəti: DİN- Baş Mütəşəkkil Cinayətkarlıqla Mübarizə Baş İdarəsinin rəisinə:
Surəti: Nərimanov rayon Prokurorluğuna:
Surəti: Nərimanov RPİ-nin rəisinə:
051 831 01 01

Müraciət

Hörmətli, möhtərəm cənab Prezident,
Hörmətli rəhbərlər,
Müraciət məktubuna başlamazdan əvvəl Sizləri salamlayıram, ölkəmizdə ictimai təhlükəsizliyin təminində Sizlərin hədaiz dərəcədə əməyinizin olmasını və cinayətkarlıqla Mübarizədə uğurlarınızın
çox olmasını bilərək Sizə səmimi qəlbdən təşəkkür edirəm. Müraciətinə Sizləri narahat etdiyim və bununla bərabər də müraciət məktubumda yol verdiyim hər bir hərf, söz, ifadə və cümlə səhvlərinə görə öncədən üzr istəyirəm
Mahiyyəti üzrə müraciətimlə bildirirəm ki, 03 sentyabr 2021-ci il tarixdə Nərimanov rayon ərazisində qabaqcadan əlbir olan bir qurup şəxs xuliqanlıq edərək qardaşım Gülüyev Xanlar Ağasəf oğlunu döymüşdürlər. Belə ki, Bakı şəhəri,Nərimanov rayon ərazisində yerləşən evlərin birində Şəki rayon, Baş Şabalıd kənd sakinləri Məmmədsoy Babək Əhmədalı oğlu, Hüseynsoy Surət Nizami oğlu və Mikayılov Harun Ağamməd oğlu birlikdə mənzil kirayəliyərək müvəqqəti kirayənişin qalırlar. Daha sonra qardaşım Şəki rayon,Baş Şabalıd kənd sakini Gülüyev Xanlar Ağasəf oğlu da Bakı şəhərində müvəqqəti işlədiyi üçün əlavə ev kirayələməyərək həmin həmkəndlilərimizin yanında qalmaq üçün onların yanına gedib. Onlar da bir-neçə gün qardaşıma dəstək dursalar da, sonradan qardaşımı oğurluqda ittiham etmişdirlər. Xanları evdən çıxartmağın yolunu tapmadıqları üçün yəni çıx deməyə utandıqları üçün birləşərək Xanların üstünə şər atmaq qərarına gəliblər. Belə ki, pul qablarında olan pullarının Xanlar tərəfindən oğurlandıqlarını bildirib,Xanları oğurluq əməlində ittiham ediblər. Həmin ittihamçılardan birincisi və mütəşəkkil xuliqan dəstəsinin başçısı Məmmədsoy Babək Əhmədalı oğlu olub. Daha sonra Babək Xanlara deyib ki, sən mənim pul qabımdan 300 manat pulumu gizlin götürmüsən. Xanlar isə nə qədər and içərək götürmədiyini və həmin pulu kimin götürməsindən xəbəri olmadığını bildirsə də, Babək Xanlara inanmayıb. Babək daha sonra mənə zəng edərək Xanların onun pulunu oğurladığını bildirdi. Mən isə qanunvericiliyin tələblərinə uyğun olaraq Hüquq- Mühafizə orqanlarına müraciət etmələrini və Xanların əməlində oğurluq aşkar olunduğu təqdirdə qanunvericiliyə uyğun olaraq qardaşım Xanları ciddi cəzalandırmasını bildirdim. Babək daha sonra mənə heçnə demədən sağollaşaraq telefonun dəstəyini asdı.
Nəticə etibarı ilə 3 sentyabr 2021-ci il tarixdə Xanlar, atamın doğum günü olduğu üçün Şəki rayonuna gəlməyi qərarlaşıb. Bu zaman mütəşəkkil dəstənin üzvləri qardaşıma zəng edərək bildiriblər ki, rayona gedirsənsə, Surətin rayona (valideynlərinə) göndərəcəyi sifarişi var, zəhmət olmasa gəl onu da götür. Xanlar da gedib sifarişi götürmək istədikdə, mütəşəkkil dəstənin üzvləri Harun Mikayılov və Surət Hüseynsoy qardaşımı evə dəvət edərək bildiriblər ki, gəl hələ bir çay içək, sonra gedərsən. Qardaşım da onların səmimiyyətinə və eləcə də həm həmkəndlimiz, həm də biri dayım oğlu və digər biri də xalam oğlu olduğuna görə inanaraq evə daxil olub. Qardaşım evə daxil olan kimi Harun və Surət evin qapısını arxadan bağlayıb, qardaşımı yan otağa salıblar. Özləri də qapıda dayanıblar. Qardaşım Xanlar yan otağa daxil olan kimi, mütəşəkkil dəstənin rəhbəri Babək Məmmədsoy sanki "Mafiya başçısı" kimi yan otaqda hazır dayanıb. Xanlar da otağa daxil olan kimi, Babək, Xanları salıb təpiyinin altına, baş və bədən nahiyəsindən yumuruq zərbələri endirərək qardaşım Xanları təxminən 10-15 dəqiqə döymüsdür. Xanlar, hədsiz dərəcədə döyüldüyü üçün ölüm həddinə çatdığı anda qışqırıb, hətta bu məqamda qardaşım sidik ifrazı da buraxaraq paltarını batırıb.Bu mənzərəni gördukdən sonra Harun və Surət guya ki, Xanları Babəkin əlindən alıblar. Burada Harun və Surət adlı şəxsə bir sual yaranır ki, Babək Xanları döyməyə başladığı anda onlar nə üçün cinayət əməlinin qarşısını almağa cəhd göstərməyiblər?! Nəticədə Xanlar Bakı şəhərindən çıxaraq Şəkiyə atamın yubileyinə gəlib. Lakin, mən, onun (qardaşımın) narahat olduğunu və tez-tez baş nahiyəsini ovduğunu görüb, ondan hal əhval tutdum. Xanlar isə nə qədər gizlətməyə çalışsa da mən, sanki hər şeyi hissedirəm kimi Xanlardan təkidlə soruşdum, Xanlar isə məsələni tam təfərrüatı ilə mənə danışmışdır. Mən də Xanları danlayaraq nə üçün cinayəti gizlədirsən deyərək, Xanlara hadisə barədə dərhal 102 xidmətinə məlumat verməyini məsləhət bildim. Xanlar da mənim qanunvericiliyin tələblərinə əməl etməyin çox əhəmiyyətli və önəmli bir iş olduğunu dediyimdən sonra mənim məsləhətimi dinləyərək DİN-nin 102 xidmətinə zəng edib məlumat vermişdir. Onu da qeyd edim ki, Babək Məmmədov yaşadığı kənddə də nüfuz sahibi deyil, hər an ictimaiyyətə açıqca hörmətsizlik edərək kənddə ictimaiyyət içərisində nalayiq ifadə və söyüşlər işlədən, öz avtomobili ilə bəzi hallarda sərxoş halda, bəzi hallarda da ayıq halda kəndin yollarında və məhəllə arasında sürətlə avtomobili idarə edən bir şəxsdir. Buna misal olaraq: 2021-ci ilin təxminən iyun-iyul ayları ərəfəsində sərxoş halda avtomobili idarə edərək məhləmizin giriş qapısını avtomobili ilə aşırmışdır. Hazırda giriş qapısının əyriliyi də düzəltməyib. Sadəcə Babək Məmmədov həmkəndli olduğu üçün onun bu cür hərəkətləri qarşısında çoxu insanlar susurlar. Lakin artıq qardaşımı bu cür mütəşəkkil halda döyməsi bağışlanılmazdır. Həm dövləti və dövlətçiliyi dəstəkləyən bir media nümayəndəsi və həm də bir vətəndaş olaraq, özümün və valideynlərimin (ailəmizin) adından Sizdən Qardaşım Xanlar Gülüyevin barəsində etdiyim müraciət əsasında aparılan İstintaq və Təhqiqat araşdırmasını nəzarətinizdə saxlamağınızı və işə hüquqi qiymət verilməsi üçün göstəriş verməyinizi xahiş edirəm.
Hörmətlə:
Təsisçi, baş direktor: Elyaz Gülüyev