İŞƏ DÜZƏLMƏK 100 DOLLARA, YOXSA 1000 MANATA MÜMKÜNDÜRMÜ?

Respublikaxəbər.az xəbər veriri ki, Şəki rayon sakini Bakı şəhərində bir qadın tərəfindən aldadılmışdır.
Belə ki, redaksiyamıza müraciət edən Şəki rayon, Baş Göynük kənd sakini Məmmədov Şahid Qinyaz oğlu müraciətində bildirmişdir ki, 2021-ci ilin fevral ayının ortaları həmkəndlisi Akif adlı şəxslə söhbətləşərkən, oğlunu işə düzəltmək istədiyini deyib. Akif adlı şəxs də özünün İradə adlı tanışı olduğunu və onun bu işi həll edə biləcəyini deyir. Şikayətçinin dediyinə görə İradə adlı şəxs də ondan, əvvəl 1000 manat tələb edib, lakin Şahid isə ilk öncə 100 dollar verdiyini və işə düzələrsə geri qalanını verəcəyini deyib. Nəticə etibarı ilə 2021-ci ilin fevral ayının ortaları bunların söhbətləri baş tutsa da, hələ də İradə xanım verdiyi vədinə əməl etməmişdir. Şikayətçinin müraciətinə əsasən biz, İradə xanımın mobil nömrəsi ilə əlaqə saxladıq. İradə xanım da həqiqətən Şahiddən pulu aldığını və onun oğlunu işə düzəltdiyini dedi.

Amma təəsüflər olsun ki, hazırda şikayətçinin oğlu işləmir, İradə xanım da bizim telefonumuza müxtəlif jurnalist həmkarlarımızın adını çəkərək bildirdi ki,Siz yerlipərəstlik edib, işverənliklə məşğulsunuz. Biz də İradə xanımın şübhəsi aradan qalxsın deyə, daxil olmuş müraciətin tam, obyektiv, qərəzsiz və hərtərəfli araşdırılması üçün tərəfimizdən rəsmi məktubla aidiyyatı orqanlara göndərilir.
Qarşı tərəfi dinləməyə hazırıq!

Respublikaxəbər.az 0518310101