Bakıda bir qrup şəxs evinə dəvət olunan şəxsin mobil telefon və digər əşyalarını alaraq hədələdi-FOTO

Respublikaxəbər.az İnformasiya-Xəbər portalına 04 aprel 2019-cu il tarixdə Yasamal rayonu, Ümid Əkbərov küçəsi 86 ünvanda yaşayan Əliyev Nurəddin Mətləb oğlu ərizə ilə müraciət edərək bildirmişdir ki, 2019-cu ilin fevral ayının təxminən sonuncu on günlüyündə tanışı Azər adlı şəxsə müvəqqəti olaraq geyinməsi üçün özünə məxsus əyin paltarını (kurtqa) vermiş və geri alması üçün tanışı Azər adlı şəxsin yaşadığı ünvana (Yasamal rayonu, 2-ci alatava) getmiş, mənzilin qapısını açan zaman həmin mənzildə 5-6 nəfər şəxsin narkotik istifadə etdiklərini görmüş. Ona mənzildəki şəxslər yaxınlaşaraq içəri dəvət etmişdirlər. Nurəddin onların dəvətinə getmək istəmədiyini və Azər adlı şəxsə verdiyi əyin paltarını (kurtqa) geri götürməyə gəldiyini bildirmişdir. Elə bu zaman həmin şəxslər Nurəddinin yaxasından çəkərək onu mənzilin içərisinə salmış, onun üzərində olan 40 (qırx) manat pulunu, biləyindəki bir ədəd gümüş qolbağını və bir ədəd də mobil telefonunu almışlar.
Nurəddin oradan çıxaraq evinə gəlmək istədiyini onlara bildirsə də onlar Nurəddinin üzərinə bıçaq çəkərək ölümlə hədələmişdirlər. Sonuncu dəfə Nurəddin onlardan sual olaraq nə istədiklərini soruşmuş, onlar isə Nurəddinə 3 gün müddətinə həmin mənzilə gələrək 100 (yüz) manat məbləğində pul gətirəcəyi vədini aldıqdan sonra Nurəddini sərbəst buraxıblar. Nurəddin bizə təqdim etdiyi ərizədən və videoçəkiliş olaraq verdiyi müsahibəsindən sonra qarşı tərəf olan Azər adlı şəxslə əlaqə saxladıq. O, deyilənləri etiraf etmədi və Nurəddin adlı şəxsi də tanımadığını bildirdi.
Müraciətin daha obyektiv araşdırılması üçün tərəfimizdən Hüquq-Mühafizə orqanlarına məlumat veriləcəkdir. Davamını Hüquq-Mühafizə orqanlarının araşdırmasından sonra izləyicilərimizə məlumat verəcəyik.