EVİ SÖKÜLƏN 60 YAŞLI QADIN (NİNA İBRAHİMOVA) MEDİA NÜMAYƏNDƏLƏRİNƏ MÜRACİƏT ETDİ (MƏTBUAT KONFRANSI) VİDEO

Respublikaxəbər.az-ın verdiyi məlumata görə Binəqədi Rayon İcra Hakimiyyətinin müavini Vüsar İsmayılovun və digər əməkdaşların qanunsuz hərəkətlərinə görə vətəndaş İbrahimova Nina Nazim qızı Mətbuat konfransı təşkil etdi.
Mətbuat konfransında şikayətçi Nina İbrahimova yaşadığı problemlərini danışdı və hüquqlarının Binəqədi rayon İcra Hakimiyyətinin əməkdaşları, Xocəsən bələdiyyəsi və eləcə də Binəqədi RPİ-nin əməkdaşları tərəfindən kobudcasına pozulduğunu qeyd edərək ona aidiyyatı qurumlar tərəfindən köməklik göstərilməsini xahiş etdi. Əlavə olaraq da xahişinin tərəfimizdən aidiyyatı qurumlara çatdırılmasını istədi.
Belə ki, 60 yaşlı Nina İbrahimova problemləri ilə bağlı media nümayəndələrinə üz tutdu. Vətəndaş Nina İbrahimova mətbuat konfransı təşkil etməklə Binəqədi rayon İcra Hakimiyyəti Başçısının müavini Vüsar İsmayılovun rüşvətxor məmur olduğunu və ona bir evin tikilməsi üçün hüquqi sənədlərin verilməsinə görə ona 28000 manat pul verdiyini bildirib. Lakin Nina İbrahimova Vüsar İsmayılova 28000 manat məbləğində pul verməsinə bağmayaraq yenə də onun yarımtikilisini iki dəfə Vüsar İsmayılovun gösdərişi ilə qanunsuz, yəni heç bir Məhkəmə qərarı olmadam söküldüyünü deyib.
Nina İbrahimova 2000-ci ildən bu günə qədər. Binəqədi Rayon İcra Hakimiyyəti və Xocəsən Bələdiyyəsi tərəfindən süründürməçiliyə salındığını və buna baxmayaraq yenə də onları puldan doydura bilmədiyini deyir.
Son olaraq çarəsiz qalan ana ilkin müraciətləri əsasında aparılan araşdırmanın gedişatından narazı qaldığını, birtərəfli, yəni qərəzli araşdırma aparıldığını hiss etdiyi üçün üzünü media nümayəndələrinə tutur, onun Binəqədi Rayon İcra Hakimiyyəti şəxsən də Binəqədi Rayon İcra Hakimiyyəti başçısının müavini Vüsar İsmayılov tərəfindən hüquqlarının kobudcasına pozulduğunu və pozulmuş hüquqlarının bərpasında köməklik göstərilməsi üçün, xahişini ölkə rəhbəri cənab İlham Əliyevə və birinci xanım Mehriban Əliyevaya eləcə də aidiyyati qurumlara çatdırılmasını media nümayəndələrindən xahiş edir.
Sonda Respublikaxəbər.az saytının rəhbəri Elyaz Gülüyev Nina İbrahimovanın hüquqlarının pozulduğunun qismən şahidi olduğunu bildirərək, həmin pozulmuş hüquqlarının bərpasında Nina İbrahimovaya köməklik göstərilməsini aidiyyatı qurumlardan xahiş edib.
Daha ətraflı tərəfimizdən hazırlanmış video sujetdə.

Qarşı tərəfi dinləməyə hazırıq.



Sənəm Əliyeva
Respublikaxəbər.az