KÜRDƏMİR RAYON PİRLİ KƏNDİNDƏ MƏMUR ÖZBAŞINALIĞI YENİLƏNDİ

Respublikaxəbər.az-ın verdiyi məlumata görə Kürdəmir rayon, Pirli kəndində məmur özbaşınalığı baş alıb gedir. Belə ki, 2 sentiyabr 2020-ci il tarixdə redaksiyamızın qaynar xətt nömrəsinə (051 831 01 01 saylı mobil) adının bilinməsini istəməyən bir nəfər Kürdəmir rayon Pirli kənd sakini zəng edərək yaşadığı kənddə sakinlərin hüquqlarının Bələdiyyə Sədri tərəfindən pozulması barədə məlumat vermişdir.
Daxil olan məlumat əsasında Respublikaxəbər.az saytının Təsisçi və baş direktoru Elyaz Gülüyev Kürdəmir rayonuna ezam olunmuş, və həmin kəndə getmiş, ölkədə karantin dövrü olmasına baxmayaraq, kəndin mərkəzində çoxsaylı sakinlərin birgə toplaşdığını görüb, həmin sıxlığın aradan qalxması və sakitçiliyin təmin olunması məqsədi ilə əraziyə polis dəvət olunması üçün Pirli kənd inzibati ərazi dairəsi üzrə İcra nümayəndəsi Nəriman müəllimə zəng edərək Pirli kənd üzrə Ərazi Sahə rəisinə məlumat verməsini xahiş etmişdir. Əlavə olaraq da İcra nümayəndiliyindən və Bələdiyyə idarəsindən nümayəndə gəlməsini bildirmişdir. Təxminən 15 dəqiqə sonra sakinlərin toplaşdığı yerə Kürdəmir RPİ-nin bir neçə nəfərdən ibarət polis əməkdaşları gələrək ilk öncə insan sıxlığını aradan qaldıraraq, sakitçiliyi təmin etmiş və onlarla profilaktik söhbətlər apardıqdan sonra sonda karantin qaydalarına əməl etmələrini tövsiyyə edərək ayrı-ayrılıqda şikayətlərini bildirmələrini tələb edərək getmişdirlər. Bundan sonra şikayətçilər ayrı-ayrılıqda şikayətlərini əməkdaşımıza bildirmişdirlər. Şikayətdə bildirilən faktlarla bağlı araşdırma aparılmış, aparılan araşdırma zamanı şikayətçilərin şikayətlərində qeyd etdikləri öz təsdiqini qismən tapmışdır.
Daha ətraflı tərəfimizidən hazırlanmış Video-sujetdə izləyə bilərsiniz.

Odur ki, şikayətçilərin xahişini nəzərə alaraq tam, obyektiv, qərəzsiz və hər tərəfli araşdırma aparılması üçün tərəfimizdən ölkə başçısı cənab İlham Əliyev və Respublikanın I-ci vitse-prezidenti hörmətli Mehriban xanım Əliyeva başda olmaqla bütün hüquq mühafizə orqanlarına məlumat məktubu hazırlanır. Əziz İzləyicilər! Bildiyiniz kimi bir neçə gün bundan öncə Kürdəmir rayon, Pirli kəndində məmur özbaşınalığın baş alıb getməsi ilə bağlı şikayətçilərin xahişini nəzərə alaraq onların başına kənd rəhbərlikləri tərəfindən açılan oyunlarla bağlı aidiyyatı qurumlara məktub hazırladığımız bildirmişdik. Odur ki, tərəfimizdən göndərilmiş həmin məktubu Sizlərə təqdim edirik.





Əziz izləyicilər! Dünənki gün, yəni 07 sentyabr 2020-ci il tarixdə Kürdəmir rayon, Pirli kənd sakini Məmmədov Vilayət adlı şəxsin tərəfindən redaksiyamıza bir video material təqdim olunmuşdur. Həmin video-materialda bir heyvanın kanala düşərək boğulması göstərilirdi. Bu məlumat da ilk öncə 2 sentyabr 2020-ci il tarixdə kənd sakinlərinin verdiyi şikayət xarakterli məlumata uyğun gəldiyi üçün ictimailəşdirildi, Təxminən bir saat sonra məlum oldu ki, həmin videomaterialda göstərilən kanal həmin heyvan sahibinin şəxsi pay torpağı olub, Bizə verilmiş video-material şəxsin dediyinə uyğun gəlmədiyi üçün video-material tərəfimizdən (xəbər saytımızdan) sosial şəbəkədən silinmişdir. Nəzərə almağınızı xahiş edirik.

Onu da qeyd edək ki, Kürdəmir rayon Pirli kənd sakinlərindən bir neçə nəfər, ilkin ictimailəşdirdiyimiz müsahibələrin qərəzli olduğunu və ona görə də onlar da özlərinin mövqe bildirmək istədiklərini bildiriblər. hesab edirik ki, bir neçə günə qarşı tərəfin də mövqesini dinləmək üçün yenidən Kürdəmir rayon, Pirli kəndinə getməli olacağıq.

Qarşı tərəfi dinləməyə hazırıq


Sənəm Əliyeva Respublikaxəbər.az