QAX RPİ-NİN ƏMƏKDAŞLARI QANUNA ƏMƏL ETMƏYİ TƏLƏB ETSƏLƏR DƏ, ÖZLƏRİ QANUNUN TƏLƏBLƏRİNİ KOBUDCASINA POZDULAR.

Respublikaxəbər.az-ın verdiyi məlumata görə 25 avqust 2020-ci il tarixdə Qax RPİ-nin Qıpçaq kənd üzrə ərazi sahə rəisi polis mayoru Yaqub adlı şəxs və yanında digər bir neçə nəfər polis əməkdaşları ilə birlikdə Şəki rayon Baş Şabalıd kəndinə Xanlar Gülüyevi Qax Rayon məhkəməsinə aparmaq üçün gəliblər. Həmin əməkdaşlardan biri məlumatı verən şəxsin dediyinə görə Şəki ŞRPŞ-nin əməkdaşı olub. Amma məlumat verən şəxs onu da qeyd edib ki, Xanların Gülüyevin Qax Rayon Məhkəməsinə aparılmasının təmin olunması üçün Şəki ŞRPŞ-nin tərəfindən təhkim olunmuş polis əməkdaşı əsl polis formasında vəzifəsini layiqincə yerinə yetirmiş, vətəndaşla etik-davranış kodekslərinə tam riayət etmişdir. (bu arada Şəki ŞRPŞ-nin rəisi cənab Azər Muradova təşəkkür edirik) Ona görə ki, Azər Muradov əməkdaşlarına dövlətin qanunlarına əməl etməyi, çox gözəl tapşırıb. Lakin Qax RPİ-nin əməkdaşları polis mayoru Yaqub adlı şəxs və onun yanında gələn adını bilmədiyi əməkdaş tibbi maskadan istifadə etməməklə, məsafə saxlamamaqla nəinki Pandemiya əleyhinə karantin qaydalarının tələblərini, hətta xidməti formalarının tam əynində (başında papağı, şapkası) olmaması ilə Azərbaycan Respublikası Polis haqqında qanunun tələblərini də kobud surətdə pozmuşdurlar. Bu barədə redaksiyamıza Gülüyev Xanlar Ağasəf oğlunun yaxınları polisin qanunsuz hərəkətlərini əllərindəki mobil telefonla video-çəkiliş olaraq qeydə alaraq video materialı qaynarxətt nömrəmizin vhatsapına göndərmişdir.
redaksiyamızın qaynarxətt nömrəsinin vhatsapına ünvanlanmış video görüntüləri təqdim etməklə,

tərəfimizdən Daxili İşlər Nazirliyinin rəhbərliyinə və.s qurumlara məlumat məktubu hazırlanır.
Qarşı tərəfin mövqeyini dinləməyə hazırıq.

DIN-in rəhbərliyinə məktub ünvanlanmışdır.






AZƏRBAYCAN RESPUBLİKASI
RESPUBLİKAXƏBƏR.AZ İNFORMASİYA-XƏBƏR PORTALI

AZ1073 Bakı şəh,Yasamal ray, Mətbuat pr, 529-cu məhəllə: Az.Nəşriyyatı
elyazguluyev21@gmail.com Əlaqə: (051) 8310101: (070) 831 01 05

“___” _______2020- ci il №___ ________

Azərbaycan Respublikasının Daxili İşlər
Naziri general-polkovnik cənab Vilayət Eyvazova:

ŞİKAYƏT MƏKTUBU
Hörmətli cənab Nazir!
Məlumat üçün bildirirəm ki, redaksiyamızın qaynarxətt nömrəsi olan 051 831 01 01 saylı mobil nömrəmizin vhatsapına Şəki rayon, Baş Şabalıd kənd sakini Gülüyev Xanlar Ağasəf oğlunun qızı Gülüyeva Səidə Xanlar qızı öz nömrəsi ilə bir neçə ədəd foto-şəkil və video çəkiliş göndərmişdir. Foto-rəsmlərdə və video çəkilişlərdə görünən görüntülərdən bildirilir ki, 25 fevral 2020-ci il tarixdə Qax RPİ-nin və Şəki ŞRPŞ-nin bir-neçə nəfər polis əməkdaşı Xanlar Gülüyevi Qax Rayon məhkəməsinə aparmaq üçün gəliblər. Əvvəla Qax rayon məhkəməsi Xanlar Gülüyevə heç bir bildiriş göndərməyib, yəni Xanlar Gülüyevə heç bir bildiriş məktubu gəlməyib ki, Xanlar məhkəməyə getsin, həmin polislər özləri gəlib Xanları məhkəməyə məcburi aparıblar.
Əlavə olaraq da çəkilişlərdən görülür ki, Xanlar Gülüyevi Qax Rayon məhkəməsinə aparmaq üçün gələn Qax RPİ-nin Qıpçaq kənd üzrə ərazi Sahə rəisi polis mayoru Yaqub adlı və onunla gələn adını bilmədiyi digər bir polis nəfəri tibbi maskadan istifadə etməməsi, Yaqub adlı polis əməkdaşının həm tibbi maskadan istifadə etməməsi, vətəndaşla etik-davranış kodekslərinə riayət etməməsi, həm də xidməti formasının (papağının-şapkasının) başında olmaması ilə onlar, həm COVİD-19 Pandemiya ilə əlaqədar olaraq Karantin rejimi qaydalarının tələblərini, Azərbaycan Respublikası Polis haqqında qanunun tələblərini kobudcasına pozmuşdurlar.
Həmin Video-material və foto-rəsmləri saytımız vasitəsi ilə ictimailəşdirmişik, Respublikaxəbər.az saytında QAX RPİ-NİN ƏMƏKDAŞLARI QANUNA ƏMƏL ETMƏYİ TƏLƏB ETSƏLƏR DƏ, ÖZLƏRİ QANUNUN TƏLƏBLƏRİNİ KOBUDCASINA POZDULAR., başlığı ilə ictimailəşib.
Əlavə olaraq həmin polis əməkdaşlarının barəsində tam ciddi tədbir görülməsi üçün göstəriş verməyinizi Sizdən xahiş edirəm.
Sizdən çox razıyıq, bu günə qədər Sizə ünvanladığımız məktublarımız cavabsız və nəticəsiz qalmayıb.
Ümid edirik və tam əminik ki, bu məktubumuzda qeyd olunanlara da biganə yanaşılmayacaq.


Hörmətlə:
Təsisçi və baş direktor: Elyaz Gülüyev




Sənəm Əliyeva