13 Okt 12:19Medeniyyet

Tanınmış DİN XADİMİ vəfat etdi

Respublikaxəbər.az-ın Cənub bölgəsi üzrə müxbirinin verdiyi məlumata görə bu gün Masallı rayon Şatroba kəndində 1963-cü ildə doğulub boya başa çatan tanınmış Din xadimi Hacı Elşad Aydın oğlu Rəhimov, bir müddət sürən xəstəlikdən sonra bu gün vəfat etmişdir.

Onu qeyd edək ki, Hacı Elşad Bakı Şəhəri, Nəsimi rayonunda yerləşən Hacı Əjdərbəy məscidində müxtəlif vəzifələrdə işləmişdir. O, tanınmış rozaxan idi. Əvvəllər onun gözəl səsinə, avazına görə Bakının kəndlərindən belə həmin məscidə möminlər Allah rızası üçün namaza gəliblər.
Hacı Elşad uzun illərdir ki, Hacc ziyarətinə qurup rəhbəri olaraq zəvvar aparıb.

Bütün bunlardan əlavə də onu qeyd edək ki, Hacı Elşad, Redaksiyamızın rəhbəri "Hafiz" Elyaz Gülüyevin 15 illik dostu idi. Elyaz Gülüyev əvvəllər Qafqaz Müsəlmanları idarəsində işlədiyi müddətdə Hacı Elşadla eyni otaqda oturub, həmkarlıq ediblər.

Odur ki, redaksiya heyyətimizin rəhbəri Elyaz müəllim başda olmaqla bütün əməkdaşlarımızın adından Hacı Elşadın günahlarının bağışlanmasını, məkanının cənnət, məqamının uca olmasını, qəbir evinin cənnət bağçalarından bir bağça olmasını uca Allahdan diləyərək, öncə həyat yoldaşına, oğulları Hacı Elşən, Kərbəlayi Şəhram və Elvinə baş sağlığı verib. Allahdan səbr diləyirik.