DƏYƏRLİ AĞSAQQALIMIZ DÜNYASINI DƏYİŞDİ. ALLAH RƏHMƏT ETSİN

Redaksiyamızın rəhbərinə verilən məlumata görə 29 may 1934 -cü ildə Abşeron rayon, Qobu qəsəbəsində anadan olmuş, 18 noyabr 2020-ci il tarixdə Əvvəllər Dövlətimizin müxtəlif idarə və müəssisələrində (Azərbaycan Dəmiryolları QSC-də AZTV-də) və 30 il müddətdir ki, Hacı Əjdərbəy məscidində molla kimi fəaliyyət göstərən nurani kişi Ağahüseyn əmi vəfat etmişdir. Ağahüseyn əmi haqqında redaksiyamızın rəhbəri Elyaz Gülüyevin bizə danışdıqları bizləri və bir çox media nümayəndələrini xeyli kövrəltdi. Ağahüseyn əmi həqiqətən də xarici görünüşdən sadə görünsə də, Onun daxili zəngin insan olub. Ağahüseyn əmi 1500-2000-ə yaxın Azərbaycanın dahi şairlərinin gözəl kəlamlarından əzbər bildiyini deyib və hər zaman da o kəlamları Elyaz Gülüyevə bir tərəfə yazaraq həmin sözlərdən məclislərdə istifadə etməyini tövsiyə edərmiş.
Ağahüseyn əmi bu yaşda olmasına baxmayaraq o, kitabı üzündən belə oxuyardı. O, günün ən çox hisssəsini evində deyil, gəlib Hacı Əjdərbəy məscidində keçirərdi. O Elyaz müəllimə deyirmiş ki, mənim evim Qobu məscidinə yaxındır, Lakin Hacı Əjdərbəy məscidi mənə o qədər doğma gəlir ki, mən burada rahat oluram. Ağahüseyn əmi gün axşama kimi gəlib Hacı Əjdərbəy məscidində quran oxuyardı. Yəni Qobu qəsəbəsindən Hacı Əjdərbəy məscidinə qədər hər gün gəlməyə ərinməzdi.85-86 yaşının olmasına baxmayaraq Ağahüseyn əmi gümrah idi. Redaksiyamızın rəhbəri Hafiz Elyaz Gülüyev başda olmaqla bütün redaksiya heyyətimizin adından Ağahüseyn əmiyə uca Allahdan rəhmət, ailəsinə, övladlarını və qohum-əqrabalarına səbr diləyirik Allah rəhmət etsin.

Sənəm Əliyeva
Respublikaxəbər.az