Ağıllı insanlara xas XÜSUSİYYƏTLƏR

Bir insanın ağıllı sayıla bilməsi üçün onun yüksək ali təhsilə sahib olması vacib deyil. Bu məsələni araşdıran elm adamları belə düşünürlər ki, hətta yüksək IQ ağıllı insanın ən vacib əlaməti deyil.

Ağıllı insan dəyişikliyə uyğunlaşan və eyni zamanda öz emosiyalarını effektiv şəkildə idarə edə bilən çevik düşüncə tərzinə malik insandır. Belə insanlar bir neçə fərqli zəka növünə malikdirlər. Onları fərqləndirən bir sıra xüsusiyyətlər var.

Ağıllı insan ürəyi ilə düşünür

İllərdir ki, ağıl və qəlb bir-birinə zidd qüvvələr kimi görünür və empatiya zəkalı insanın davranışı ilə eyniləşdirilmir. Bununla belə, yüksək emosional zəka ilə yüksək IQ arasında əlaqə var.

Belə çıxır ki, empatiya balı nə qədər yüksək olarsa, effektiv şifahi anlama da bir o qədər yüksək olur. Başqa sözlə desək, emosional zəkanın bir hissəsi olan empatiya ilə koqnitiv intellektin bir hissəsi olan dərketmə birbaşa əlaqəlidir. Beləliklə, ürəyinizlə rəhbərlik edirsinizsə, ağlınızla da idarə olunmaq şansınız var.

Ağıllı insan dünya ilə maraqlanır

Yüksək intellektli insanların çoxlu kitab oxuduğunu güman etmək asandır. Amma ağıllı olmaq çoxlu kitab oxumaq demək deyil. Bu, hər şeyə maraq və yeni bir şey öyrənmək istəyi ilə bağlıdır. Ağıllı insanlar başqa mədəniyyətlər, heyvanlar, ümumiyyətlə dünya haqqında öyrənməyi sevirlər. Oxumaq həvəsi mütləq zəka əlaməti olmasa da, öyrənməyə həvəsli olduğunuzu göstərir və bunlar artıq ağıllı insanın xüsusiyyətləridir.

Ağıllı insan yaxşı müşahidəçidir

Ağıllı insan uğurlarını nümayiş etdirmək əvəzinə adətən susqun və müşahidəçi olur. Sakit şəkildə müşahidə etmək bacarığı başqalarının əldən buraxdığı fürsətləri görməyə imkan verir.

Ağıllı insan özünü yaxşı idarə edir

Özünə hakim olmaq, yetkin olmaq deməkdir. Onlar emosiyalarını idarə edə bilirlər. Özünə nəzarət zəkanın əlamətidir. Bu, danışmadan və ya hərəkət etməzdən əvvəl daha tez-tez düşünmək deməkdir. Ağıllı insanlar hər şeyi bilirmiş kimi davranmır. Əslində, zəkanın əlaməti hər şeyi bilmədiyinizi qəbul etməkdir. Ağıllı insan etiraf etməyi bacarır. Bu, daim yeni vəziyyətlərə açıq olmağa və daha çox öyrənməyə imkan verir.

Ağıllı insan çevikdir

Ağıllı insanlar idarə edə bilmədikləri şeylər barədə vaxt itirmir. Əgər çevik olmağı və axınla getməyi bacarırsınızsa, çox ağıllısınız. Belə insanlar əvvəlcədən müəyyən edilmiş plana möhkəm yapışmaq əvəzinə, çevik, açıq fikirli qalırlar və həyata asanlıqla uyğunlaşa bilirlər. Çevik insanlar roblemləri həll edə və vəziyyətdən tez çıxış yolu tapa bilir.