Bakıda yol polisini əvəz edən ağıllı işıqforlar quraşdırıldı

Bakıda nəqliyyat axınının tənzimlənməsi və idarə olunması üçün müasir texnologiyalardan istifadə olunur.

Respublikaxeber.az xəbər verir ki, paytaxtın Fəzail Bayramov küçəsi ilə Xətai prospektinin kəsişməsində ağıllı işıqforlar quraşdırılıb.

Sınaq məqsədi ilə istifadə edilən işıqforlar avtomobillərin sıxlığına müvafiq rejimdə çalışır.

Yəni sözügedən yol qovşağında yol polisinin yerinə yetirdiyi tənzimləyici funksiyasını işıqfor həyata keçirir. Hansı istiqamətdən nəqliyyat axınının yüksək sıxlığı və intensivliyi müşahidə olunsa, avtomatik olaraq işıqforun yaşıl işığı yanır.