MASAZIRDA ŞƏKİ RAYON SAKİNİ DÖYÜLDÜ

Respublikaxəbər.az xəbər verir ki, Abşeron Rayon, Masazır qəsəbəsində iş yoldaşları arasında dava olub.
Redaksiyamızın qaynarxətt nömrəsinə zəng edərək məlumat verən, 28.05.1996-cı il təvəllüdlü, Şəki rayon, Baş Göynük kənd sakini Aslanov İstiqbal Mirzə oğlu, bildirib ki, 10 avqust 2023-cü il tarixdə, təxminən günorta saatlarında şikayətçi ilə yan-yana olan avtomobil təmiri sexində işləyən Orxan və Kənan qardaşları şikayətçinin bədəninin müxtəlif yerlərinə sillə, yumruq və təpik zərbələri endirərək, həmçinin onu yerdə sürüyərək, müxtəlif bədən xəsarətləri yetiriblər. Hadisədən dərhal sonra xəsarət alan şəxsin yaxınları, zərərçəkmişi Bakı 1 saylı Şəhər Klinik xəstəxanasına çatdırıblar. Xəstəxanada ilkin tibbi yardım göstərildikdən sonra xəstə evə buraxılıb. Daha sonra zərərçəkmiş, DİN-nin 102 zəng xidmətinə məlumat vermiş, məlumatı əsasında zərərçəkmiş, Abşeron RPİ-tərəfindən dəvət olunaraq ərizə və izahatı alınmışdır. Hal hazırda Abşeron RPİ-nin TŞ-də araşdırma davam etdirilir. Zərərçəkmiş təfərrüatlı müayinə olunması üçün Abşeron RPİ-nin TŞ-nin təhqiqatçısı tərəfindən məhkəmə tibbi ekspertiza və patoloji Anatomiya Birliyinin Abşeron rayon şöbəsinə göndəriş verilmişdir.
Yuxarıda qeyd olunanlar şikayətçinin dediklərinə əsaslanaraq qeyd edilmişdir. Qarşı tərəfi dinləyib, mövqelərini dərc etməyə hazırıq!
Onu da qeyd edək ki, zərərkmişin ictimaiyyət içərisində hüquqlarının pozulması ilə bağlı ona qarşı edilən qanunsuz əməlləri edən vətəndaşlar barəsində tam, obyektiv, qərəzsiz və doğru-dürüst araşdırma aparılaraq, işə hüquqi qiymət verilməsi üçün tərəfimizdən DİN-nin rəhbərliyinə rəsmi məlumat məktubu ünvanlanacaqdır