ABŞERONDA RESTORAN SAHİBİNİN OĞLU, QONŞUNUN TORPAQ SAHƏSİNİN HASARINI UÇURUB?

RESPUBLİKAXƏBƏR.AZ, xəbər verir ki, Abşeron rayon, Masazır qəsəbəsində, qonşu-digər qonşuya məxsus torpaq sahəsinin ətrafına hörülmüş divarı qanunsuz olaraq traktorla uçurtmuşdur.
Belə ki, Abşeron rayon, Masazır qəsəbəsi Z.Əliyeva küçəsi 27 ünvanında yaşayan Eminova Cəmilə Kamal qızı, redaksiyamıza daxil olmuş müraciət məktubunda, qızı Eminova Humay Qabil qızına 2 sot torpaq sahəsi alaraq ətrafını daş hasarla əhatəyə aldığını. 04 iyun 2022-ci il tarixdə təxminən günorta saatlarında həmin divarın uçmuş vəziyyətdə gördüyünü bildirmişdir. Daha sonra ona məlum olub ki, həmin divarı onunla qonşu olan "BƏYƏNDİM" şadlıq sarayını işlədən şəxsin oğlu, Anar uçurub.
Şikayətçi dərhal DİN-nin 102 zəng xidmətinə məlumat vermiş, 102 zəng məlumatına verdiyi məlumat əsasında hadisə yerinə Abşeron RPİ-dən bir-neçə nəfərdən ibarət olan polis əməkdaşları (əməliyyat qurupu) gəlmiş, baxış keşirmişlər. Bundan sonra şikayətçi Abşeron RPİ-nə dəvət edilərək ifadəsi alınmışdır.
Hazırda həmin şikayətlə bağlı Abşeron RPİ-də araşdırma aparılır.

Onu da qeyd edək ki, vətəndaşın müraciəti əsasında tərəfimizdən aidiyyatı orqanlara məlumat məktubu ünvanlanacaq.

Qarşı tərəfi dinləməyə və onun da mövqeyini dərc etməyə hazırıq!

Respublikaxəbər.az