"QIZILQAYA" DAŞ KARXANASINDA ŞƏKİNİN BAŞ ŞABALID VƏ BAŞ GÖYNÜK KƏND SAKİNLƏRİNİN MOBİL TELEFONLARI VƏ PULLARI OĞURLANIB.

Respublikaxəbər.az, xəbər verir ki, Abşeron rayon ərazisində yerləşən " QIZILQAYA" daş karxanasında oğurluq hadisəsi baş vermişdir.
Redaksiyamızın qaynarxətt nömrəsinə zəng edən (Şəkinin Baş Şabalıd kənd sakinləri- Məmmədov Asif Həmid oğlu, Həsənov Təbriz Cəlal oğlu və Baş Göynük kənd sakini Nöbərov Loğman Qurban oğlu) vətəndaşlar, 4 iyun 2022-ci il tarixdə Abşeron rayon ərazisində yerləşən "QIZILQAYA" daş karxanasında özlərinə məxsus iki ədəd "redmi" markalı və bir ədəd də "Samsung Galax" markalı mobil telefonlarının və Nöbərov Loğman Qurban oğluna məxsus 86.00 (səksən altı) manat məbləğində pulu oğurlanmışdır. Zərərçəkmişlər, hadisədən xəbər tutan kimi DİN-nin 102-zəng xidmətinə zəng etmiş, hadisə yerinə polisin gəlməsini gözləmişlər. Hadisə yerinə polisin gəlmədiyi üçün bir gün sonra təkrar DİN-nin 102-zəng xidmətinə zəng edərək şikayətləri barədə heç bir tədbir görülmədiyini, yəni polisin hadisə yerinə gəlmədiyini bildiriblər. Lakin yenə də hadisə yerinə bu günə qədər polis gəlməmişdir.
Məsələ ilə əlıaqədar olaraq zərərçəkmişlər tərəfindən "QIZILQAYA" daş karxanasının rəhbəri kimi təqdim edilən Sadiq müəllimlə əlaqə saxlayaraq, onun da mövqesini öyrəndik. Sadiq müəllim isə dünən, yəni 9 iyun 2022-ci il tarixdə müşahidə kamerasının görüntülərin Abşeron RPİ-nin Qobu PB-nə təqdim etdiyini bildirdi. Vətəndaşların redaksiyamıza etdiyi müraciətlə bağlı DİN-nin rəhbərliyinə tərəfimizdən rəsmi məlumat məktubu ünvanlayacağıq. Ümid edirik ki, oğurluq edən şəxs, qısa zaman ərzində polisin operativliyi nəticəsində tutularaq məsuliyyətə cəlb ediləcəkdir.

Respublikaxəbər.az