BAŞ GÖYNÜK SAKİNİNƏ QARŞI VƏZİFƏLİ ŞƏXSİN QOHUMLARI HEGEMONLUQ EDİR. VƏTƏNDAŞ, ÖLKƏ RƏHBƏRİNƏ VƏ ELƏCƏ DƏ AİDİYYATI QURUMLARA MÜRACİƏT ETDİ

Vətəndaşın aidiyyatı qurumlara və eləcə də redaksiyamıza ünvanladığı müraciət məktubunu Siz dəyərli İzləyicilərimizə təqdim edirik.

Hörmətli cənab Prezident,
Hörmətli rəhbərlər!
Yazıb Sizə bildirirəm ki, əvvəllər mərhum atama məxsus 2003-cü ildən 15 il müddətinə (2018-ci ilə qədər) Qozfont nəzdində olan torpaqlara (300 ha) müqavilə və şəhadətnaməmiz olub. Atam dünyasını dəyişdikdən sonra sahibkarlıq fəaliyyətini mən davam etdirmişəm. Sahibkarlıqla məşğul olduğum dövrdə hədsiz dərəcədə çətinliklərlə qarşılaşmışam. Yuxarıda qeyd etdiyim kimi 2018-ci ildə müqavilə müddəti bitməsi səbəbilə müqavilənin yenilənməsi üçün, yəni təkrar müqavilə bağlanılması üçün Şəki Şəhər İcra Hakimiyyətinə və digər aidiyyatı qurumlara rəsmi müraciət məktubu ünvanlamışam. Lakin müraciət etdiyim qurumlar, müraciətimdən sonra mənə köməklik göstərmək əvəzinə tam əksinə, təşvişə düşməklə hər biri birləşərək cəm şəkildə əlbir olaraq mənim istifadəmdə olan 30 ha torpaq sahəmi əlimdən alaraq öz qohumlarına verilməsi üçün çalışmışdırlar.
Ancaq bu torpaq sahəsi, mənim sahibkarlıq fəaliyyətimin özəyi olan bir yerdir. Ona görə ki, heyvandarlıqda həm xəsil, həm də su hövzəsinin mənə aid olduğu yerdir. Müqavilə əsasında sudan istifadə edirəm.
Onu da qeyd edim ki, bütün bu oyunların başında
Şəki rayon, Torpaq Şöbəsinin müdiri İlkin bəy dayanıb. Hətta onu da qeyd edim ki, mənə biznesplan belə hazırladıblar.
Nəticə etibarı ilə bir sahibkar olaraq qanunvericiliyin tələblərinə uyğun olaraq qanunla etdiyim tələblərimə biganə yanaşmaqla mənim Konstitusion hüquqlarımı pozdular və 30 ha torpaq sahəsini Yusif adlı sabiq polis işçisinin qardaşı Asif adlı şəxsin adına sənədləşdirdilər.
Mən burada bir sual etmək istəyirəm.
Sual: Həmin torpaqların vergisini mən artıqlaması ilə ödədiyim halda istifadəmdə olan torpaq sahəsi hansı şəkildə digər şəxsin mülkiyyətinə keçirilə bilər. Belə bir halda mübahisəli yer kimi saxlanılmaqla niyə ədalətli araşdırma aparılmayıb? Bundan əlavə də mənim heyvandarlıq üçün xəsil əkinim var. Mən bütün bunların səbəbini anlamışam. Mənə məlum olduğuna görə
Onların başında duran Ölkə rəhbərimizin diliylə desək (onlara krişalıq) edən Prokurorluq orqanlarında çalışan qardaşı Vaqif Əsədovdur.
Həmin O, prokuror qardaş rayon vəzifəlilərinə təzyiq göstərdiyi üçün hesab edirəm ki, mənim torpağımla bağlı ədalətsiz araşdırma aparılaraq məndən alınıb onun qardaşına verilib.
Bütün bunlarla bağlı mən Şəki Şəhər İcra Hakimiyyətinin başçısı cənab Elxan Usubova məni qəbul etməklə aydın şəkildə dinləməsi üçün teleqram belə vursam da zərrə qədər bilə əhəmiyyət verilmədi. Məni də qəbul etmədi. Daha sonra kənd sakinlərinin arasına qatılaraq Elxan Usubova dərdimi tələsik dedim, yenə də həmiyyət vermədi. Sonda qeyd edirəm ki, həmin şəxsin adına sənədləşən torpaqlar, mənim torpaq sahəmlə üst-üstə düşmür və bu gün də mənim istifadəmdədir. Sadəcə mənə məlum olmayan maraqlar səbəbindən saxta sənədləşmələr aparılıb. Bütün bu kimi qanunsuzluqları mən onda görürəm ki, başda krişalıq edən prokuror qardaş və həmçinin onun qorxusundan onu dəstəkləyən Şəki rayon, Torpaq Şöbəsinin müdiri İlkin bəy birləşərək Ölkə rəhbərinin sahibkarlığa verdiyi dəyəri və həmçinin ölkə rəhbərinin özünü gözdən salmaqla, vətəndaşlarda Dövlətə və dövlətçiliyə, dövlət rəhbərinə və eləcə də Hüquq-Mühafizə orqanlarına olan inamı, güvəni və etibarı yoxa çıxartmaq istəyirlər
Odur ki, mənim torpaq sahələrimin qanunvericiliyin tələblərinə uyğun olaraq sənədləşməsi və bu günə qədər mənim hüquqlarımı kobudcasına pozan şəxslərin barəsində ciddi tədbir görülməklə cəzalanması üçün göstəriş verilməklə köməklik etməyinizi xahiş edirəm.

İmza: Rəsulov İdris Fərrux oğlu
Şəki rayon, Baş Göynük kənd sakini:
Əlaqə: 070-259-90-80

QARŞI TƏRƏFİ DİNLƏMƏYƏ HAZIRIQ!

Respublikaxəbər.az