“7-dən 17-yə” – Astarada Xocalı faciəsinin 30 illiyinə həsr olunmuş yarışın qalibləri məlum oldu

Fevralın 26-27-də Astara rayon Olimpiya Kompleksində Kontakt – Karate Federasiyası və Kyokuşin - Kenpukay təşkilatı Xocalı faciəsinin 30-cu ildönümünə həsr olunmuş Respublika çempionatı keçirmişlər. Yarışın ilk günündə əlbəyaxa döyüş və kontakt - karate növləri üzrə yeni başlayan 120 idmançı 8 komandada, ikinci günündə isə 4 komandada qüvvələrini sınadılar.

Təşkilatçı qismində çıxış edən Azərbaycan Kontakt – Karate Fedrasiyasını və Azərbaycan Kyokuşin - Kenpukay Karate komandalarını yarışda 140 nəfər, dəvət olunan Azərbaycan Seikyokuşin - Karate komandasını 20 iştirakçı təmsil edirdi.



Yarışa 18 idmançı ilə qatılmış Əlbayaxa Döyüş Nümayəndəliyinin 18 idmançısından14-ü 1-ci yerə, 4 idmançısı 2-ci yerə layiq görüldülər. 7 yaşdan 17 yaşa qədər idmançılar arasında Əlbəyaxa Döyüş Nümayəndəliyini təmsil etmiş idmançılardan 50 kq çəki dərəcəsində 12-13 yaşlı Nuran Babayev 1-ci, 35 kq çəki dərəcəsində 10-11 yaşlı Hüseyn Abbasov 1-ci, 50 kq çəki dərəcəsində 14-15 yaşlı Yusif İbrahimli (WKF qaydaları üzrə) 2-ci oldular. Eləcə də Əli Cəfərli (8 yaş), Əli Abbaszadə (8 yaş), Mikayıl Həsənov (9 yaş), Rafael İbarhimli (9-10 yaş), Nihat Alıyev (10 yaş) və Nəriman Alıyev (11 yaş) qardaşları, Hüseyn Rəhimli (11-12 yaş), Cuma Həsənov (12 yaş), Adil Qəhrəmanov (13-14 yaş), Natiq Ağayev (14 yaş), Ümid Quliyev (15 yaş), Ağa Əhməıdov (16 yaş) öz yaşıdları arasında fəal döyüşərək birincilik qazanmışlar. Əlbəyaxa Döyüş Nümayəndəliyini təmsil etmiş yeganə qız idmançı 8 yaşlı İbrahimova Fidan Səməd qızının 1-ci yeri tutması komanda yoldaşlarını, ələlxusus da müəlliməsi - Abşeron rayon Masazır qəsəbə 3 saylı tam orta məktəbin 2c sinif rəhbəri Nəzakət Məmmədovanı hədsiz sevindirmişdir.



Qeyd edək ki, bu yarışda 1ci və 2-ci yer tutan döyüşçülər Əlbayaxa Döyüş Nümayəndəliyinin bu ilin aprel ayında Bakıda Hövsan Olimpiya Kompleksində kecirəcəyi Respublika çempionatında iştirak etmək və iyulda ayında Gürcüstan Respublikasının Batumi şəhərində keçiriləcək Dünya çempionatına iştirak üçün buraxılış vərəqəsi əldə etmək imkanı qazanacaqlar.



Dövlətimiz, onun başçısı möhtərəm Prezidentimiz İlham Əliyev Azərbaycanda idmana, təkcə olimpiya növlərinin deyil, bütün idman növlərinin inkişafına diqqət göstərir. Biz idmançılar da bu qayğılı münasibətə cavab olaraq ölkəmizin idman şərəfini ucaltmağa, beynəlxalq miqyaslı yarışlarda qalib gələrək üçrəngli bayrağımızı yüksəyə qaldırmağa, himnimizi səsləndirməyə çalışırıq.






Orxan Rzazadə