Boks üzrə Azərbaycan çempionatı keçiriləcək

Bu gün böyüklər arasında boks üzrə Azərbaycan çempionatına start veriləcək.

Respublikaxeber.az xəbər verir ki, Azərbaycan Boks Federasiyasından KONKRET.az-a bildiriblər ki, Boks Mərkəzində təşkil olunacaq yarışda 13 çəki dərəcəsi üzrə mükafatçılar müəyyənləşəcək.

Çempionata respublikanın müxtəlif şəhər və rayonlarının klublarını, həmçinin idman cəmiyyətlərini təmsil edən 29 komandanın 100 kişi boksçusu qatılacaq. Qaliblərin adına isə yanvarın 15-də aydınlıq gələcək.

Mükafatçılar yığmanın heyətinə cəlb olunacaqlar və beynəlxalq yarışlarda ölkəmizi təmsil edəcəklər.

Qeyd edək ki, çempionatın baş hakimi Emil Qurbanəliyev olacaq.