Bakı məktəblisi dünya çempionatında ikinci oldu - FOTO

Paytaxt məktəblisi Macarıstanın paytaxtı Budapeşt şəhərində sərbəst güləş üzrə yeniyetmələr arasında keçirilən dünya çempionatında qalib olub.

Respublikaxeber.az Oxu.az-a istinadən xəbər verir ki, Bu barədə Bakı Şəhəri üzrə Təhsil İdarəsi məlumat yayıb.

Bildirilib ki, idarənin tabeliyindəki 76 nömrəli tam orta məktəbin IX sinif şagirdi Ruzanna Məmmədova 46 kiloqram çəki dərəcəsində ikinci yeri qazanıb.

Təsnifat mərhələsində qazax güləşçiyə tam üstünlüklə qalib gələrək dünya çempionatına start verən R.Məmmədova rumıniyalı rəqibini məğlub edərək adını yarımfinala yazdırıb.

Türkiyə güləşçisini də məğlub edərək finala vəsiqə qazanan idmançımız həlledici görüşdə hindistanlı rəqibinə uduzaraq gümüş medala layiq görülüb.