Onlarla insanı aldadan şəxs kimdir və nə üçün tapılmır?

Respublikaxəbər.az xəbər verir ki, redaksiyamıza sosial şəbəkə üzərindən yeni bir şikayət daxil olub.
Redaksiyamıza müraciət edən Yevlax rayon sakini, İsmayılov Qərib Nəsrəddin oğlu adlı şəxs, müraciətində özünün və bacısının Mingəçevir şəhər sakini Əhmədbəyli Müşərrəf Bəhlul qızı adında bir şəxs tərəfindən aldadılaraq, 2100 (iki min yüz) manat məbləğində pullarının ələ keçirildiyini bildirmişdir.
Şikayətçi şikayətində bildirmişdir ki, Müşərrəf Əhmədbəyli onlardan pul alaraq, ünvanlı sosial yardım düzəldəcəyi barədə vəd verib, Lakin, vədinə əməl etməyib, pullarını geri qaytarmamışdır.

Şikayətçinin dediklərinə əsasən qarşı tərəf (Əhmədbəyli Müşərrəf Bəhlul qızı) ilə əlaqə saxlayaraq,onun da mövqesini öyrənmək istədik.
Əhmədbəyli Müşərrəf Bəhlul qızı mövqeyində bildirdi ki, bəli, mən onlardan 2100 manat deyil, 2000 manat məbləğində pul almışam. Həmin pulu alarkən mən onlara ünvanlı sosial yardım düzəldəcəyim barədə vəd verməmişəm, mən onlardan pulu alarkən bildirmişəm ki, həmin pulu biz dövriyyəyə buraxırıq, ondan gəlir əldə edib, hər ay Sizin şəxsi hesab kartınıza müəyyən məbləğdə pul köçürəcəyik. Mən də həmin pulu alaraq, Arif adlı şəxsə vermişəm. Arif adlı şəxs də tək məni yox, onlarla insanı aldadaraq yoxa çıxıb. Hazırda, Mingəçevir Şəhər Polis şöbəsinin İstintaq bölməsində araşdırma davam edir. Həmin məsələ ilə bağlı mən özüm də şikayət vermişəm. Lakin, Arif adlı şəxsin tapılmasında əməliyyat axtarış tədbirləri davam edir. Müşərrəf Əhmədbəyli sonda qeyd etdi ki, mənim bu barədə bildirəcəklərim genişdir, telefon zəngi vasitəsi ilə izah etməyim mümkün deyil, xahiş edirəm Mingəçevir şəhərinə gələrək məni ətraflı dinləməyinizi və səsimə səs verilməsi üçün mənim də müraciətimi aidiyyatı qurumlara çatdırmağınızı Sizdən xahiş edirəm.

Odur ki, bu gün 02 may 2023-cü il tarixdə, Müşərrəf Əhmədbəylini daha ətraflı dinləməyimiz üçün Mingəçevir şəhərinə səfər edirik.
Daha ətraflı məlumatı diqqətinizə çatdıracağıq.
Respublikaxəbər.az