Mingəçevirdə evə basqın olub.

Respublikaxəbər.az xəbər verir ki, Mingəçevirdə cinayət xarakterli hadisə baş verib. Respublikaxəbər.az-a Mingəçevir şəhər, Günəşli bağları, 4-cü küçə, mən 20A ünvanında yaşayan Əhmədbəyli Müşərrəf Bəhlul qızı, redaksiyamızın qaynarxətt nömrəsinə zəng edərək məlumat verib ki, bu gün, yəni 28 aprel 2023-cü il tarixdə, təxminən saat 11 radələrində əvvəllər tanıdığı Elçin adlı şəxs, Elçinin həyat yoldaşı və Elçinin atası birlikdə onların yaşadığı mənzilə gələrək, üzərlərinə hücum çəkərək, şikayətçi Əhmədbəyli Müşərrəf Bəhlul qızını, anasını və atasını döymüşdülər. Şikayətçi bildirib ki, O, DİN-nin 102 zəng xidmətinə zəng edərək məlumat vermək istədikdə, Elçin adlı şəxs, ona fiziki zor tətbiq etməklə, mobil telefonunu əlindən alaraq yerə vurub sındırmış, nəticədə vətəndaş fürsət taparaq, atasının telefonunu ələ keçirərək 102 xidmətinə zəng edə bilmişdir.Vətəndaşın məlumatı əsasında hadisə yerinə Mingəçevir Şəhər Polis Şöbəsinin əməkdaşları hadisə yerinə gələrək, münaqişənin qarşısını almışdırlar.
Daha sonra şikayətçinin dediyinə görə, Mingəçevir şəhər polis şöbəsində tərəflərin hər birinin izahatı alındıqdan sonra sərbəst buraxılmışdırlar. Hadisənin baş vermə səbəbi bizə hazırda tam məlum deyil, qismən məlumatımız belə vardır ki, Müşərrəflə Elçinin aralarında maliyyə hesabı var. O səbəbdən baş verib.Daha ətraflı isə polisin araşdırmasından sonra məlumat veriləcəkdir. Məsələni diqqətdə saxlayırıq. Onu da qeyd edək ki, hadisənin baş verməsi səbəbindən hadisə zamanı evdə olan şikayətçinin azyaşlı uşaqları da qorxudan psixolji travma alıblar.
Qarşı tərəfi dinləməyə hazırıq!
Sonda onu da qeyd edək ki, hadisə barədə tərəfimizdən DİN-nin rəhbərliyinə məlumat məktubu ünvanlanacaqdır.





Respublikaxəbər.az