BALAKƏN ŞƏHƏRİNDƏ VURULAN PİYADA, MƏHKƏMƏDƏ MADDİ VƏ MƏNƏVİ ZİYANLARI TƏLƏB EDƏCƏK

Respublikaxəbər.az xəbər verir ki, 11 avqust 2023-cü il tarixdə, Balakən rayonunda sürücü yol keçən piyadanı vurub.
Baş vermiş Yol Nəqliyyat hadisəsi zamanı yol keçərkən vurulan piyada Qardaşova Aynurə Asruddin qızı, redaksiyamıza açıqlamasında bildirib ki, O, Balakən şəhəri ərazisində, "Dadlı şirniyyat" maqazininin önündən yol keçdiyi zaman nə qədər ehtiyyatlı olmağa çalışsa da, sürücünün ehtiyyatsızlığı nəticəsində, vurulmuş və yerə çırpılmışdır. Hadisə yerinə Balakən RPŞ-nin DYP-nin əməkdaşları gəlmiş, onu vuran sürücünün xahişini və insanpərvərliyi nəzərə alaraq, onu avtomobil vurduğunu yox, səhhətində olan narahatçılıq səbəbindən yerə çırpıldığını demişdir. Daha sonra sürücü və yaxınlıqda olan insanlar ona kömək etmiş və vuran şəxs, digər bir maşınla onu xəstəxanaya çatdırmışdırlar. İlkin tibbi yardım göstərildikdən sonra zərərçəkmiş evə buraxılmışdır. Lakin, zərərçəkmişin səhhətində vəziyyəti ağırlaşdıqdan sonra onu avtomobili ilə vuraraq, müxtəlif bədən xəsarətləri yetirən sürücünün həyat yoldaşına zəng edərək, ona kömək etmələrini, yəni iynə-dərman ləvazimatı almalarını xahiş etmişdir. Zərərvuran tərəf ona bir ədəd müalicəvi maz alıb gətirib vermiş, daha sonra zərərçəkən bir də ona zəng edərək həkimə getdiyini (Kompuiter Tomoqrafiyasından) keçdiyini və sınığının olmadığını bildirmişdir.
Lakin, həkim onun əməliyyat olunmasının zəruriliyini bildirdiyini demişdir. Zərərçəkənin dediyinə görə bundan sonra hər ikisi arasında telefonda mübahisə yaranmışdır. Bundan qəzəblənən zərərçəkən DİN-102 zəng xidmətinə məlumat vermişdir. Məlumatı əsasında Balakən RPŞ-nin Təhqiqat Bölməsinin təhqiqatçısı Zaur Xəlilov, araşdırmaya başlamış, zərərçəkənin Məhkəmə Tibbi Ekspertiza müayinəsindən keçərək aldığı xəsarətin dərəcəsinin təyin olunması üçün ona MTEPAB-nin Balakən Rayon şöbəsinə göndəriş vermiş,Lakin,zərərçəkən MTEPAB-nin Balakən Rayon şöbəsində müayinədən keçməkdən imtina etmişdir. İmtina etməsinin səbəbini də belə izah etmişdir ki, Tibbi ekspert Nazim həkim, onu avtomobili ilə vuran şəxslə yaxındırlar, tanışlıq münasitləri vardır. Bundan əlavə də ekspert Nazim həkim, zərərçəkəni müayinə olunması üçün yan tərəfdəki binaya yəni müayinə həkimlərinə apardı, xəstə həkimin yanına daxil olmamış, bildirdi ki, onun aldığı xəsarət yüngül dərəcəli xəsarət kimi qiymətləndiriləcəkdir. Buna görə də zərərçəkən ekspertin müayinədən öncə fikir bildirməsi onu şübhələndirdi. Ona görə də zərərçəkən, A.Qardaşova həmin ekspertdən imtina etdi və imtina etdiyi üçün də Təhqiqatçı, onun ərizəsi əsasında ona MTEPAB-nin Zaqatala rayon şöbəsinə göndəriş vermişdir.Hazırda araşdırma davam etdirilir. MTEPAB-nin Zaqatala rayon şöbəsinin verdiyi rəyə əsasən təhqiqatçı tərəfindən qərar qəbul edilərək işə hüquqi qiymət verilməsi üçün toplanmış materiallar Balakən rayon məhkəməsinə göndəriləcək.
Onu da qeyd edək ki, zərərçəkənin dediyinə görə, zərərvuran tərəf (onun) xəstənin yolunda həkim və və dərman xərcləri olaraq, bu günə qədər 720 (yeddi yüz iyirmi) manat məbləğində maddi vəsait xərcləyiblər.
Hər tərəfi dinləməyə və bildirdikləri mövqelərini dərc etməyə hazırıq!

Respublikaxəbər.az