Elyaz Yazan: LƏYAQƏTLİ MƏMUR, XALQIN FƏXRİDİR

Respublikaxəbər.az xəbər verir ki, Elyaz Yazan, İcra Məmurlarından razılıq bildirib.

Hazırda çoxsaylı vətəndaşlar İcra məmuru deyiləndə tutuqlayan məmur kimi düşünür. Lakin heç də elə deyil! İcra məmuru hər zaman məhkəmənin verdiyi qərarı icra edir.
Elyaz Yazan:
Mən də İcra məmuru adı eşidəndə narahat olurdum. Lakin, bir məsələ ilə bağlı Nəsimi rayon İcra və Probasiya Şöbəsinin İcra məmuru Cəlaləddin Əliyev tərəfindən dəvət olundum, İcra şöbəsinə gələrkən qarşı tərəfin məndən şikayətçi olmasına görə həbs olunacağımı düşünürdüm. Lakin Cəlaləddin Əliyev şikayətçi tərəflə hakim kimi davranmaqla ədalətlə hərəkət etməsini tövsiyə etdi, həm onunla və həm də mənimlə profilaktik söhbət apararaq aramızda sülh yaratdı. Həmin şəxslə məni barışdıraraq yola saldı. İcra məmuru Cəlaləddin Əliyevin bu kimi davranışları məndə dövlətə, millətə və cəmiyyətə qarşı hörməti və inamı daha da artırdı. Mən şəxsən belə bir icra məmurlarının məhkəmədə hakim olmasını arzu edərəm.

Bundan əlavə bir-neçə gün bundan öncə hal və hərəkətləri ilə məni və yaxınlarımı kövrəldən bir icra məmurundan bəhs etmək istəyirəm.

Belə ki, bir qohumumun etdiyi cinayət əməlinə görə məhkəmənin qərarı ilə onun, 3 il müddətinə azadlığı məhdudlaşdırılıb. El arasında qolbağı deyilən bir hal var ki, məhkəmənin qərarı ilə o mütləq İcra məmuru tərəfindən bağlanmalı və həmin şəxs nəzarətdə saxlanılmalıdır. Mən qohumumu da aparıb Bakı probasiya Şöbəsinin İcra məmuru Məmməd Sərdarovun yanına getdim. Məmməd Sərdarova üzdən baxanda sərt adam kimi tanıdım. Lakin sonradan onun hal və hərəkətlkəri məni və yaxınlarımı kövrəltdi. Qohumum həmin qolbağına riayət edə bilməyəcəyini deyərək əsəbi şəkildə ona təyin olunmuş cəza növünün dəyişdirilərək azadlıqdan məhrum edilməsini və dərhal həbs edilməsini xahiş etdi. Mən qohumumla nə qədər profilaktik söhbət aparsam da, O, mənim dediklərimlə razılaşmadı. Çölə çıxaraq bir dəqiqəlik valideynlərinə məlumat verdim, onlar da çarə tapmayacaqlarını bildirdilər və dedilər ki, suyu axarına buraxaq, necə istəyir elə də etsin. Lakin iki dəqiqə sonra geri qayıdıb içəri daxil oldum, İcra məmuru mənə bildirdi ki, Elyaz müəllim, biz artıq öz aramızda razılığıa gəlmişik, onunla danışmışıq, nə mən onu incidəcəm, nə də o məni. İcra məmuru bu sözü deyəndə mən ağladım və bir an orta məktəbdə oxuduğum vaxt yadıma düşdü. Müəllimim mənim nazımla belə oynayardı. İcra məmuru mənim qohumumun nazı ilə elə oynadı ki, onunla necə profilaktik söhbət apardısa, necə psixoloq kimi davrandısa, bir an öncə çılğınlıq edən şəxs,elə bir sözlər dedi mən hədsiz dərəcədə Məmməd Sərdarova bağlandım. Mən açıq deyim, hələ də ağlıma gətirə bilmirəm ki, İcra məmuru Məmməd Sərdarov mənim qohumumla necə söhbət etdi ki, O, bir anda razılığa gəldi və hazırda da çox səbrli və təmkinli şəkildə riayət edir.

Eşq olsun belə məmurlarımıza!

Odur ki, mən Cəlaləddin Əliyev və Məmməd Sərdarov kimi dəyərli məmurlarımızın xidmətlərinə dəyər verilməklə,hər zaman onların önə getmələri üçün diqqət mərkəzində saxlanılmaları barədə Azərbaycan Respublikasının Ədliyyə Naziri cənab Fikrət Məmmədova təşəkkür xarakterli məktub ünvanlamaq qərarına gəldim.

Əvvəlcədən başda cənab nazir olmaqla, Ədliyyə orqanında ləyaqətlə xidmət edən Məmməd Sərdarov və Cəlaləddin Əliyevə və onların timsalında bütün məmurlara təşəkkürümü bildirirəm. Onu da qeyd edim ki, mövzunu hər kəsin başa düşəcəyi şəkildə yazdım ki, qoy hər kəs bunu bilsin.

Hörmətlə: Elyaz Yazan

Respublikaxəbər.az