Sabiq məscid imamı Elyaz (Yazan), Şeyxülislam həzrətlərini təbrik etdi

Respublikaxəbər.az-ın məlumatına görə bu gün Qafqaz Müsəlmanları İdarəsinin sədri Şeyxülislam Hacı Allahşükür Paşazadə həzrətlərinin doğum günüdür və bu münasibətlə də redaksiyanın rəhbəri Elyaz (Yazan) Şeyx həzrətlərini təbrik edib. Təbrikdə deyilir:
Hörmətli Şeyx həzrətləri!
İlk öncə Sizi fürsətdən istifadə edərək öncə özümün, ailəmin və eləcə də redaksiya heyyətimin adından salamlayıb, bu gün qeyd etdiyiniz doğum gününüz mûnasibəti ilə əlaqədar olaraq təbrik edirəm. Sizə yalnız uzun ömür deyil, uzun və xeyirli ömür arzulayıram. Qeyd edim ki, təxminən 10 ilə yaxın müddət Sizin əmriniz əsasında Bakı S
Şəhər Hacı Əjdərbəy məscidinin Naibi İmamı vəzifəsində işləmişəm. İşlədiyim dövrdə Sizin təvazökar, səmimi, ləyaqətli bir insan, rəhbər olduğunuzun şahidi olmuşam. Lakin təəsüflər olsun ki, məlum səbəblərdən Sizinlə daimi əməkdaşlıq etmək mənə nəsib olmadı. Amma tam səmimiyyətimlə deyirəm ki, mən bütün hər bir yerdə ictimaiyyət içərisində Sizin gözəl bir kişi olduğunuzu qeyd etmişəm, edirəm və edəcəyəm də. Düzdür! Bir-neçə dəfə Sizə Baş Şabalıd kəndinə imam təyin edilməyimlə bağlı müraciət etmişəm. Hesab edirəm ki, məktublarımı Sizdən gizlətdilər. O səbəbdən də müraciətim qəbul olunmadı. Amma bütün bunlara baxmayaraq mən Sizi çox istəmişəm, istəyirəm və istəyəcək də. Sonda ən böyük arzum odur ki, Qafqaz Müsəlmanları İdarəsində işləyən bütün əməkdaşlar Sizin kimi və Hacı Həmdulla kimi insan olaydı.
Hörmətli Şeyx həzrətləri!
Nəticə etibarı ilə Sizi çox istəyirəm, Sizə hər zaman can sağlığı arzulayıram. Rabbim Sizi ailənizin və bizim başımızın üzərindən əskik etməsin. Mən hələ də şəxsi iş otağımda Sizin kitabınızı başımın üstünə qoymuşam. O Sizə olan yüksək hörmət və sevgimdən irəli gəlir.
Hörmətli Şeyx həzrətləri!
Azərbaycanda İslam dininin inkişaf etməsində həqiqətən Sizin böyük əməyiniz olub və bu gün də var olmağa davam edir.
Yaşa, Yaşa! Yaşa! Şeyx həzrətləri.
Doğum gününüz mübarək.
Hörmətlə:. Elyaz (Yazan) Gülüyev
Şeyxulislam Hacı Allahşükür Paşazadə 26 avqust 1949-cu ildə Lənkəran rayonunun Cil kəndində anadan olmuşdur. İlk dini təhsilini yerli din adamlarından almışdır. 1968-ci ildə Buxarada "Mir-Ərəb" mədrəsəsinə daxil olmuş və dini təhsilini 1975-ci ildə Daşkənd İslam Universitetində bitirmişdir. 1975-ci ildən Qafqaz Müsəlmanları İdarəsinin məsul katibi, Təzəpir məscidinin axundu, idarə sədrinin müavini olmuşdur. 1980-ci ildə Qafqaz Müsəlmanları İdarəsinin sədri seçilmiş və Şeyx-ül-islam dərəcəsinə yüksəlmişdir 1986-cı ildə İordaniya Kral Akademiyasının üzvü seçilmişdir. 15 noyabr 1988-ci ildə sülhsevərlik fəaliyyətinə görə, SSRİnin Xalqlar Dostluğu ordeni ilə təltif edilib. 1989-cu ildə SSRİ xalq deputatı, daha sonra müstəqil Azərbaycanın millət vəkili seçilmişdir. Bakı Dövlət Universitetinin professoru, tarix elmləri doktorudur. 1992-ci ildə 1992-ci il 7 sentyabrda Çeçenistanın paytaxtı Qroznı şəhərində çağırılan Qafqaz Evi konfransında Azərbaycanın, Dağıstanın, Kabardino-Balkariyanın, Gürcüstanın, İnquşetiyanın, Çeçenistanın, Qaraçay-Çerkesiyanın, Adıgeyin dini xadimləri tərəfindən Qafqaz Xalqlarının Ali Dini Şurasının sədri seçilmişdir. 2003-cü ildə şeyxülislamlıq vəzifəsinə ömürlük seçilmişdir. Dünyanın ən nüfuzlu 500 müsəlman şəxsiyyətindən sayılır. 1991-ci ildə Bakı İslam Universitetinin təsis etmişdir. Və.s

Respublikaxəbər.az