Aparıcı Nanənin babası da veteran olub: "Bədənində iki qəlpə var idi..." - foto

Xəbər verdiyimiz kimi, bu gün alman faşizmi üzərində qələbənin 74-cü ildönümüdür.

BiG.AZ-a istinadən Respublikaxeber.az xəbər verir ki, ATV-də yayımlanan "Şou Atv" proqramının bugünki buraxılışı "Qələbə günü"nə həsr edilib. Aparıcı Nanə Ağamalıyeva "Qələbə günü"ndən danışaraq müharibənin azərbaycanlı qəhrəmanlarından bəhs edib. Aparıcı babasının da veteran olduğunu qeyd edib:

"Mənim babam Əliağa Məmmədov da müharibədə iştirak edib, veterandır. Yadımdadır ki, bədənində iki qəlpə vardı, bir qəlpə isə qolunda qalmışdı. Hər dəfə bu əhvalatları bizə danışırdı və onun danışdıqları mənə çox maraqlı gəlirdi. Hətta veteranlar üçün xüsusi bir mağaza vardı "invalidni" deyirdilər. Orada onlar üçün xüsusi nələrsə satırdılar. Mən də babamla bu mağazaya getməyi çox sevirdim. Babamın hədindən çox medalı vardı".