Əri həbsdə olan Afət Fərmanqızı əyləncə görüntülərini paylaşdı

Xəbər verdiyimiz kimi ötən gün müğənni Afət Fərmanqızının əri Mamed Nanacanov həbs edilib.

O, Cinayət Məcəlləsinin 182-ci (hədə-qorxu ilə tələb etmə) və 221.3-cü (Xuliqanlıq; silahdan istifadə edilməklə törədildikdə, yaxud özgənin əmlakının məhv edilməsi və ya zədələnməsi ilə müşayiət olunduqda) maddələri ilə ittiham olunur.

Belə ki, özünün sosial media hesabında məlumat yayan müğənni həyat yoldaşının azadlığa buraxılması üçün aidiyyəti orqanlara da müraciət edib.

İki gündür əri həbsdə olan müğənni isə əyləncə görüntülərini paylaşıb.

Həmin görüntüləri “Instagram” hesabında yayımlayan sənətçi paylaşıma “Mənim özəl günümdə gözəl dostlarımla rəqs” şərhini əlavə edib.