Müğənni Afət efirə çıxdı - Görün kimi axtarır - FOTO

Bu gün ATV-də yayımlanan, "Bizimləsən" verilişinin qonağı müğənni Afət Fərmanqızı olub.

Big.Az-a istinadən Respublikaxeber.az xəbər verir ki, müğənni tələbə olarkən bir evdə yaşadığı qrup yoldaşını axtardığını, onu görmək istədiyini bildirib:

" Mən Bakıda universitetə daxil olmuşdum. Anamın imkanı olmadı ki, mənə şəhərdə qalmağa kirayə ev tutsun . Buna görə də mən məcbur olub Gəncə Dövlət Universitetinə köçürülmə aldım. Gəncədə Osmanova Gülmirə Akif qızı adlı tələbə qızla birikdə kirayədə qalırdım. Kirayə qaldığımız ev, Əttarlar küçəsində yerləşirdi.

Gülmirənin ailəsi Balakəndə yaşayırdı, evləri uzaq idi. Tovuz isə Gəncəyə yaxın olduğu üçün həftə sonları onu özümlə evimizə qonaq aparırdım. Bu zaman 1996-1997-ci illərə təsadüf edir".

Müğənni axtardığı Gülmirə xanımla olan xoş xatirələrindən də söz açıb:

"O bəlkə də bilmir ki, həmin o Afətəm. Bizim çox gözəl tələbəlik vaxtlarım olub. Gözəl, zövqlü xanım idi. Bir qara paltarı vardı, çox sevirdim. Hiss etmişdi ki, o xoşuma gəlir. Özü paltarı mənə verdi ki, geyinim. Mən də geyinib gözümün qurdunu öldürdüm, hətta şəkillər də çəkdirdik".