Rusiyanın Azərbaycandakı səfirliyindən Fuad Abbasovun saxlanılmasına MÜNASİBƏT - ÖZƏL

Xəbər verdiyimiz kimi, tanınmış jurnalist Fuad Abbasov mayın 16-da Moskvada hüquq-mühafizə orqanlarının əməkdaşları tərəfindən saxlanılıb Onun mayın 28-də Azərbaycana deportasiya olunması gözlənilir. F. Abbasov miqrasiya qanunvericiliyini pozmaqda təqsirli bilinir.

Sonxeber.az-a istinadən Respublikaxeber.az verilən məlumata görə Rusiya Federasiyasının Azərbaycandakı səfirliyinin mətbuat katibi Mariya Osipova tanınmış jurnalist Fuad Abbasovun Moskvada hüquq-mühafizə orqanlarının əməkdaşları tərəfindən saxlanılmasına münasibət bildirib.

M. Osipova bildirib ki, tanınmış jurnalistin həbsi heç də xoş deyil:

"Fuad Abbasovun Moskvada hüquq-mühafizə orqanlarının əməkdaşları tərəfindən saxlanılması heç də xoş deyil. Lakin o, Azərbaycan vətəndaşıdır. Biz ona heç cür kömək edə bilmirik. Ancaq çox istərdik bu məslədə jurnalistə yardımcı olaq".