UCAR RAYONUN BAŞINI UCA EDƏN TƏVAZÖKAR SƏDR FOTO-VİDEO

Prezident İlham Əliyev Nazirlər kabinetinin 2017-ci iliin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasda bildirib.
Məmur özü və onun ailə üzvləri təkəbbürlü davranmamalıdır. Ancaq buna baxmayaraq hələ də bəzi məmurların özlərini apara bilmədiklərini görürük, kobud səhvlərə yol verirlər və həm də ailə üzvləri hesab edirlər ki, onların xüsusi imtiyazı var. Azərbaycanda heç kimin heç bir imtiyazı yoxdur. Mən demişəm ki, o dövlət məmuru öz ailə üzvlərini idarə edə bilmirsə vəzifədən çıxarılacaq və belə də oldu.
Azərbaycanda xuliqanlıqla, özbaşınalıqla məşğul olanlar cəzalandırılır və cəzalandırılmalıdır. Heç kimə heç bir güzəşt edilmir və mənim son qərarlarım onu bir daha təsdiqləyir ki, hamı nəticə çıxarsın.
Prezident xalqa xidmət, təvazökarlıq, təkəbbürlü davranmamaq prinsiplərinin dövlət məmurlarının əsas həyat və fəaliyyət normasına çevrilməsinin zəruriliyini vurğulayıb.
Axır ki, son zamanlar Ölkə başçımızın istədiyi kimi məmurlara rast gəldik.
Bu məmur, Bakı Dövlət Universitetinin Hüquq fakultəsini bitirmiş, 1990-cı ildən-1992-ci ilə qədər Xızı rayon Məhkəməsinin məhkəmə icraçısı, 1992-ci ildən- 1993-cü ilə qədər Abşeron Rayon Məhkəməsinin məhkəmə icraçısı, 1993-cü ildən 2000-ci ilə qədər Abşeron rayon Məhkəməsinin ədliyyə polis qrupunun inspektoru, böyük inspektoru, 2000-ci ildən- 2007-ci ilə qədər Bakı şəhər Nəsimi Rayon Məhkəməsinin hakimi, 2007-ci ildən-2013-cü ilə qədər Bakı Apellyasiya Məhkəməsinin hakimi, 2013-cü ildən-2017-ci ilə qədər Masallı Rayon Məhkəməsinin sədri, 2017-ci ildən isə Ucar Rayon Məhkəmsinin sədri vəzifələrində işləmiş, 2018-ci ildən Azərbaycan Respublikası Ümumi Məhkəmə Hakimləri İctimai Birliyinin (Assosiasiyasının) idarə heyətinin üzvü, Azərbaycan Respublikası Məhkəmə Hakimləri Assosiasiyalarının İttifaqının İdarə heyətinin üzvü olan hazırki Ucar rayon Məhkəməsinin sədri Xəlilov Hilal İsmayıl oğludur.
07 may 2019-cu il tarixdə Ucar rayon İcra və probasiya şöbəsinə getmişdik. Şöbəyə çatdığımız zaman təsadüfən nahar vaxtına rastlaşdıq. Vətəndaşla birlikdə Ucar rayon Məhkəməsi və İcra və Probasiya şöbəsinin inzibati binasının həyətində nahar vaxtının bitməsini gözləyirdik. Həmin vaxt Ucar rayon Məhkəməsinin sədri Hilal Xəlilov bizim dayandığımızı gördü, yanındakılardan bizim kimin qəbuluna və nə üçün gəldiyimizi soruşdu və dərhal bizi əvvəlcə salamlayaraq xoş gəlmisiniz deyə bizi xoş qarşıladı. Bundan sonra nə isə bir köməklik lazım olarsa Sizin qulluğunuzdayıq deyə böyük təvazökarlıq etdi. Biz hər bir məsələnin qaydasında olduğunu bildirsək də, sədr Hilal Xəlilov əl çəkmədi ki, çəkmədi. Hətta bizi nahar yeməyinə dəvət etməsini belə unutmadığı üçün bizdə məmura qarşı sevgini daha da artırdı. Necə deyərlər: el arasında toxun acdan nə xəbəri deyilən bir məsəl var ki, ictimaiyyətdə daha çox söylənilir. Amma Hilal Xəlilovun nahar yeməyinə getdiyi zaman bizim də ac olduğumuzu düşünməsi məmurda insani keyfiyyətlərin də üstün olduğunu aşkara çıxdı. Hələ bunula da bitmədi. İnanın bu mövzunu mən yazdıqca gözlərim dolu sevinc yaşı ilə yazdım. Hədsiz dərəcədə kövrəldim. İşlərimizi həll etdikdən sonra Sədr Hilal müəllimin qəbuluna (İş otağına) gedərək onun bizə qarşı göstərdiyi sevgiyə və qayğıya görə ona təşəkkür etmək və vidalaşmaq üçün getdikdə Sədr oturduğu kürsüdən ayağa qalxaraq iş otağının yarı hissəsinə qədər gəldi iki əlli görüşdü. Bir daha bizimlə hədsiz dərəcədə alicənab davrandı. Ona müraciət edərək bildirdim ki, möhtərəm Hakim! Hörmətli sədr! Siz bizim üçün ayağa qalxmağınız, bizə göstərdiyiniz hörmət və qayğı bizi məhcub etdi. Siz bizi utandırdınız, Sizin kimi belə alicənab, ölkə başçımız İlham Əliyevin göstərdiyi kimi vətəndaş hüquq və azdalıqlarına verdiyiniz dəyəri hər bir məmurdan görmürük. Bəzən vaxtı özünü təkəbbürlü aparan məmurlara rast gəlirik. Hilal Xəlilov cavabında bildirdi ki, bizim vəzifəmiz Sizlərə xidmətdir. Əgər ölkə başçımız bunu deyirsə biz də onun dediyi kimi Azərbaycan xalqına xidmət göstərməliyik.
Belə bir məmuru Xalqa xidmət üçün mötəbər vəzifəyə təyin etdiyi üçün ölkə başçımız cənab İlham Əliyevə dərin minnətdarlığımızı bildiririk.