Vətəndaş Polisi rüşvətdə ittiham etdi

02 may 2019-cu il tarixdə bir nəfər vətəndaş redaksiyamıza müraciət edərək bildirdi ki, onun avtomobilini Yasamal rayon ərazisində Qələbənin dairəsi deyilən ünvanda digər bir avtomobil əzib, hadisə yerinə gələn Yasamal RPİ-nin YPŞ-nin əməkdaşları gəlib baxış keçirib, hər iki sürücünün sənədlərini almışdırlar. Araşdırması üçün Yol Nəqliyyat hadisəsinə səbəb olan hər iki sürücünü dəvət etmişdirlər. Lakin vətəndaşın dediyinə görə yol nəqliyyat hadisəsinə səbəb özü yox, digər sürücü olub. Hətta şikayətçi ərizəsində Yasamal RPİ-nin YPŞ-nin əməkdaşı Yavər adlı polis əməkdaşının ondan 200 manat rüşvət tələb etməsi də barədə ittiham irəli sürmüşdür. Şikayətçinin dediyinə görə polisin tələb etdiyi 200 manat pulu vətəndaş ona (Yavər adlı polis əməkdaşına) vermədiyi təqdirdə onun sürücülük vəsiqəsinə bir il məhdudiyyət qoyulması üçün məhkəməyə göndərəcəyini bildirib.
Şikayətçinin müraciətində qeyd etdiklərinin doğru olub-olmaması üçün həmin Yavər adlı polis əməkdaşının qəbuluna gedərək onun da mövqeyini öyrəndik. Yasamal RPİ-nin YPŞ-nin əməkdaşı Yavər adlı polis əməkdaşı mövqeyində vətəndaşın dediklərinin hər birinin şər-böhtan xarakterli olduğunu və özünü müdafiə xarakteri daşıdığını bildirdi və əlavə olaraq kamera görüntülərini göstərməklə yol nəqliyyat hadisəsinə səbəb elə şikayətçinin özünün olduğunu və özünü təmizə çıxartmaq üçün polisi şantaj etdiyini bildirdi. Həmin vaxt şikayətçi etdiyi şikayətində polisin ünvanına dedikləri şər-böhtan xarakterli cümlələrdən peşiman oldu. Nəticə etibarı ilə həqiqətən bizə də və vətəndaşa da aydın oldu ki, yol nəqliyyat hadisəsi zamanı qəzaya səbəb onun özü olub.
Belə ki, Əziz insanlar!
“Qul xətasız Ağa kərəmsiz olmaz!”
İnsan öz səhvini etiraf etməsi onun aşağılanması demək deyil, amma ən azından qul haqqına girmək də olmaz! Hər hansı bir şəxsin haqqında yalan demək həm dinimiz İslamda böyük günahdır, həm də qanunvericiliyimizdə böyük məsuliyyətdir. Yalan ifadə verməyə görə Azərbaycan Respublikası CM-nin 296-cı maddəsində göstərilənlərindən məlumatlansanız hesab edirəm ki, belə səhvlərə yol verməzsiniz.
Yəni çoxu vaxt insanlardan eşitdiyimiz belə bir söz var: “ Polis olmasa insanlar bir-birilərini məhv edər” bu sözün əsl mənasında belədir. Polis peşəsi ağır peşədir.onun məsuliyyəti də çox çətindir. Onlara qarşı belə ədalətsizlik etmək yaxşı bir hal deyil! Çünki Azərbaycanın polisi vətəndaşların təhlükəsizliyini təmin edir. Mən bu sözləri həqiqətən deyirəm! Ona görə də xidmətində layiqli olaraq Azərbaycan Respublikasının Daxili İşlər orqanlarında çalışan hər bir polisinə başda Saçını bu yolda ağardan cənab Nazirimiz DİN-i general polkovnik Ramil Usubov olmaqla hər birinə uca Allahdan can sağlığı arzulayıram.
POLİSƏ BİZ DƏYƏR VERƏK!