Operativ Qərargah üzvündən əhaliyə maska ilə bağlı MÜRACİƏT

Ölkəmizdə maska və COVİD-19 pasportu ilə bağlı yumşalmaların olması ehtimalı vaxtaşırı gündəmə gəlir. Sosial şəbəkələrdə müzakirələr zamanı da insanlar bu məhdudiyyətlərin nə zaman ləğv ediləcəyini müzakirə edirlər.

Respublikaxeber.az xəbər verir ki, Operativ Qərargahın üzvü, Milli Məclisin Səhiyyə komitəsinin sədr müavini Rəşad Mahmudov BAKU TV-yə açıqlamasında bildirib ki, məsələ ilə bağlı aidiyyatı qurumda müakirələr aparılır:

"Ölkəmizdə və region ölklərinə baxdığımız zaman son zamanlarda epidemoloji vəziyətin nəzarətdə olduğunu, dalğanın son həftələr içərində ölkəmizdə tamamən söndüyünü deyə bilərik. Bütün bunlar yaxın gələcəkdə maska istifadəsinin, eləcə də bu xəstəliyin yarandıqdan sonra bizim qarşımıza çıxan və bizə diktə etdirdiyi bir çox yeni alışqanlıqlarımızın ortadan qaldırılması üçün zəmin ayardır.

Bu gün ölkədə var olan vəziyyətə uyğun şəkildə proqnozlar, hesablamalar aparılaraq, gələcək risklərdə nəzərə alınaraq müzakirələr aparılır. Bizlər yaxın zamanlarda yəqin ki, bunu real nəticələrini də Operativ Qərargah tərəfindən eşidəcəyik."